Season 2 ထပ်မံထွက်ရှိဦးမယ့် Tom Hiddleston ရဲ့ The Night Manager ဇာတ်လမ်းတွဲ

Season 2 ထပ်မံထွက်ရှိဦးမယ့် Tom Hiddleston ရဲ့ The Night Manager ဇာတ်လမ်းတွဲ

ဖေဖော်ဝါရီ ၂၈၊ ၂၀၂၃။

◼ မြန်မာအမျိုးသမီးပရိသတ်အခိုင်အမာရှိထားတဲ့ Loki မင်းသားချော Tom Hiddleston ရဲ့ The Night Manager ဇာတ်လမ်းတွဲဟာ နောက်ထပ် Season သစ်တစ်ခုထွက်ရှိလာဦးမှာဖြစ်ပါတယ်။

◼ Amazon Prime Video နဲ့ BBC ဟာ The Night Manager Season 2 ကို Steelworks ဆိုတဲ့ လျှို့ဝှက်နာမည်နဲ့ပြင်ဆင်နေတာဖြစ်ပြီး ၂၀၂၃ နှောင်းပိုင်းမှာ လန်ဒန်မြို့နဲ့ တောင်အမေရိကတို့မှာရိုက်ကူးရေးစတင်သွားမှာဖြစ်ကြောင်း Deadline သတင်းအရသိရပါတယ်။ The Night Manager Season 2 ကို မူရင်းဇာတ်ညွှန်းဆရာ David Farr က ရေးသားပေးသွားမှာပါ။

◼ ၂၀၁၆ က ထွက်ခဲ့တဲ့ BBC နဲ့ Amazon Prime Video ရဲ့ The Night Manager ဇာတ်လမ်းတွဲဟာ ၁၉၉၃ ထုတ် The Night Manager ဝတ္ထုကို အခြေတည်ရိုက်ကူးထားတဲ့ spy-thriller အမျိုးအစားဇာတ်လမ်းတွဲဖြစ်ပြီး Tom Hiddleston နဲ့ Hugh Laurie တို့ အဓိကပါဝင်ထားတာဖြစ်ပါတယ်။

◼ Season 2 ရဲ့ ပြသရက်ကိုတော့မသိရသေးပါဘူး။

◼ တစ်ဖက်မှာလည်း The Night Manager ဇာတ်လမ်းတွဲ အိန္ဒိယ Bollywood က Aditya Roy Kapur နဲ့ Anil Kapoor တို့နဲ့ နာမည်တူ remake ပြန်လည်ရိုက်ကူးထားတာဖြစ်ပြီး လက်ရှိမှာ remake ကို Disney+ Hotstar မှာ ပြသနေပြီဖြစ်ပါတယ်။

Ref: Deadline

McGarrett ရေးသည်။