Top Gun: Maverick မှာ Val Kilmer နဲ့ ပြန်ဆုံရလို့ ဝမ်းသာမျက်ရည်ပါကျခဲ့တယ် ဆိုတဲ့ Tom Cruise

Top Gun: Maverick မှာ Val Kilmer နဲ့ ပြန်ဆုံရလို့ ဝမ်းသာမျက်ရည်ပါကျခဲ့တယ် ဆိုတဲ့ Tom Cruise

ဖေဖော်ဝါရီ ၂၈၊ ၂၀၂၃။

◼ နှစ်ပေါင်း ၃၆ နှစ်ကြာမှ ထွက်ရှိခဲ့တဲ့ Tom Cruise ရဲ့ Top Gun sequel ရုပ်ရှင် Top Gun: Maverick ဟာ ယနေ့ခေတ်ရုပ်ရှင်ပရိသတ်တွေရဲ့အားပေးမှုကို အများအပြားရရှိခဲ့ပါတယ်။

◼ အမေရိကန်လေသူရဲတွေအကြောင်းဇာတ်အိမ်တည်ထားတဲ့ Top Gun: Maverick မှာ သရုပ်ဆောင် Val Kilmer ရဲ့ Iceman ဇာတ်ကောင် ပြန်လည်ပါဝင်လာမှုဟာလည်း ပရိသတ်တွေအတွက် ကျေနပ်အားရစရာတစ်ခုဖြစ်ခဲ့ပါတယ်။ Val Kilmer ဟာ ၂၀၁၄ မှာ လည်ပင်းကင်ဆာကြောင့် ခွဲစိတ်မှုပြုလုပ်ခဲ့ရပြီး အဲဒီခွဲစိတ်မှုကြောင့် စကားပြောနိုင်စွမ်းပျောက်ဆုံးခဲ့ရတဲ့အတွက် ရုပ်ရှင်လောကကနေ အနားယူနေခဲ့တာဖြစ်ပါတယ်။ သို့ပေမယ့် Top Gun: Maverick မှာ Val Kilmer တစ်ယောက် Iceman နေရာကနေ ပြန်လည်ပါဝင်လာခဲ့တာဖြစ်ပြီး Maverick နဲ့ Iceman ရဲ့ ပြန်လည်ဆုံစည်းမှုဟာ ပရိသတ်တွေအပေါ်ကိုသာမက သရုပ်ဆောင် Tom Cruise အပေါ်ကိုလည်း ဝမ်းသာမျက်ရည်ကျစေခဲ့ပါတယ်။

◼ Val Kilmer နဲ့ အလုပ်အတူတူပြန်လုပ်ခဲ့ရတဲ့အပေါ်ပျော်ရွှင်ခဲ့ရပုံကို Tom Cruise က Jimmy Kimmel Live အစီအစဉ်မှာ အခုလိုပြောပြလာပါတယ်။

"ပြောချင်တာကတော့ ခံစားချက်တွေအများကြီးပေါ့ဗျာ။ Val နဲ့ ကျွန်တော်သိတာ ဆယ်စုနှစ်ချီနေပြီ။ သူ့အတွက် အဲဒီဇာတ်ကောင်ကိုပြန်သရုပ်ဆောင်တာကလေ တကယ်ကိုတော်တဲ့သရုပ်ဆောင်တစ်ယောက်ပါပဲ။ အဲဒီဇာတ်ကောင်ကိုသူချက်ချင်းပြန်လုပ်ပြနိုင်တယ်။ တကယ် Iceman ပဲ။ မျက်ရည်ပါကျတယ်။ ခံစားရတာပေါ့ဗျာ။ သူကတကယ်တော်တဲ့သရုပ်ဆောင်ဗျ၊ သူသရုပ်ဆောင်တာတွေကိုတကယ်ကြိုက်တယ်။"

◼ အော်စကာဆန်ခါတင်နေရာ၆ခုဆန်ခါတင်ဝင်ထားတဲ့ Top Gun: Maverick ဟာ ရုံတင်ငွေ ကန်ဒေါ်လာ ၁ ဘီလျံကျော်ရရှိခဲ့သလို ဒါရိုက်တာ Steven Spielberg နဲ့ Quentin Tarantino တို့ရဲ့အားပေးချီးကျူးမှုကိုလည်းရရှိခဲ့ပါတယ်။

Ref: Variety

McGarrett ရေးသည်။