Kantara prequel ရုပ်ရှင်သစ်မှာ မင်းသမီး Urvashi Rautela ပါဝင်သွားမယ်

Kantara prequel ရုပ်ရှင်သစ်မှာ မင်းသမီး Urvashi Rautela ပါဝင်သွားမယ်

Sandalwood | ဖေဖော်ဝါရီ ၁၃၊ ၂၀၂၃။

◼ အိန္ဒိယတောင်ပိုင်းသရုပ်ဆောင် Rishab Shetty ကိုယ်တိုင် ဒါရိုက်တာနဲ့သရုပ်ဆောင်နေရာတွေကနေ တာဝန်ယူရိုက်ကူးထားတဲ့ အိန္ဒိယတောင်ပိုင်း Kannada စကားပြောရုပ်ရှင် Kantara - A Legend ဟာ ၂၀၂၂ မှာ အောင်မြင်မှုအများအပြားရရှိခဲ့တဲ့ တောင်ပိုင်းရုပ်ရှင်ကားတစ်ကားဖြစ်ခဲ့ပါတယ်။

◼ Kantara - A Legend ရဲ့ ရုံတင်ရက် ရက်တစ်ရာပြည့်အထိမ်းအမှတ်အနေနဲ့ သရုပ်ဆောင် Rishab Shetty ဟာ နောက်ထပ် Kantara prequel ရုပ်ရှင်တစ်ကားကို ထပ်မံထုတ်လုပ်သွားမှာဖြစ်ပြီး ၂၀၂၄ ထဲမှာ ရုံတင်ပြသရန်စီစဥ်ထားကြောင်း ဖေဖော်ဝါရီ ၇ ရက်နေ့မှာ တရားဝင်ကြေငြာအတည်ပြုလာခဲ့ပါတယ်။

◼ Rishab Shetty ရဲ့ အတည်ပြုချက်အရ အသစ်ထွက်မယ့် Kantara prequel ရုပ်ရှင်ဟာ Kantara - A Legend မတိုင်မီကအဖြစ်အပျက်တွေကိုဇာတ်အိမ်တည်ထား​မှာဖြစ်ကြောင်းသိရပါတယ်။

◼ ယခုအခါမှာ Kantara prequel ရုပ်ရှင်မှာ Bollywood ရဲ့ အလှဆုံးမင်းသမီးတွေထဲကတစ်လက်ဖြစ်တဲ့ မော်ဒယ်နဲ့သရုပ်ဆောင် Urvashi Rautela ဟာ အဓိကဇာတ်ကောင်နေရာကနေ ပါဝင်လာမှာဖြစ်ပါတယ်။ Kantara prequel မှာ ပါဝင်လာမှာဖြစ်ကြောင်းကို Urvashi Rautela က ၎င်းရဲ့ တရားဝင် Instagram စာမျက်နှာကနေတစ်ဆင့် ဖေဖော်ဝါရီ ၁၀ ရက်နေ့မှာ အတည်ပြုပေးလာခဲ့တာပါ။

◼ Urvashi Rautela ဟာ Sanam Re နဲ့ Hate Story 4 တို့မှာအဓိကပါဝင်ဖူးသလို Hrithik Roshan ရဲ့ Kaabil ရုပ်ရှင်မှာလည်း cameo ပါဝင်ဖူးပါတယ်။

◼ Kantara prequel ရဲ့ ပြသရက်ကိုတော့မသိရသေးပါဘူး။ 

◼ Kantara - A Legend ဟာ ကျေးလက်ရိုးရာဓလေ့နဲ့ဘာသာရေးကိုအခြေတည်ထားတဲ့ရုပ်ရှင်ဖြစ်ပါတယ်။

Ref: Bollywood Hungama

McGarrett ရေးသည်။