R-rated ရုပ်ရှင်အမျိုးအစားဖြစ်လာမယ့် Sony Marvel ရုပ်ရှင် Kraven the Hunter

R-rated ရုပ်ရှင်အမျိုးအစားဖြစ်လာမယ့် Sony Marvel ရုပ်ရှင် Kraven the Hunter

ဧပြီ ၂၅၊ ၂၀၂၃။

◼ ဒီကနေ့ပြုလုပ်ကျင်းပတဲ့ ၂၀၂၃ CinemaCon ပွဲတော်မှာ Sony Marvel ရုပ်ရှင် Kraven the Hunter ရဲ့ ပထမဆုံး trailer တစ်ပုဒ်ကို မိတ်ဆက်ပြသလာပါတယ်။

◼ SpiderVerse ရဲ့ အစောပိုင်းရုပ်ရှင်တွေဖြစ်ကြတဲ့ Venom, Venom: Let There Be Carnage နဲ့ Morbius တို့ဟာ PG-13 အမျိုးအစားဖြစ်ပေမယ့်လည်း Kraven the Hunter ကတော့ R-rated အမျိုးအစားဖြစ်ကြောင်း Kraven the Hunter သရုပ်ဆောင် Aaron Taylor-Johnson က CinemaCon ၂၀၂၃ မှာ အတည်ပြုလာခဲ့ပါတယ်။

◼ Kraven the Hunter ရဲ့ ဇာတ်ညွှန်းကို Iron Man, Punisher: War Zone, Men in Black: International နဲ့ Uncharted တို့ရဲ့ ဇာတ်ညွှန်းဆရာတွေဖြစ်တဲ့ Art Marcum နဲ့ Matt Holloway နဲ့ The Equalizer ဇာတ်ညွှန်းဆရာ Richard Wenk တို့က ပူးတွဲရေးသားထားပြီး Triple Frontier ဒါရိုက်တာ J. C. Chandor က ရိုက်ကူးပေးထားတာဖြစ်ပါတယ်။ ဇာတ်လမ်းနဲ့ပတ်သက်ပြီး အသေးစိတ်မသိရသေးပေမယ့် Kraven the Hunter ကို သဘာဝကိုစောင့်ရှောက်သူနဲ့ ရှေးရိုးစွဲဆန်သူအဖြစ် တွေ့ရမှာပါ။ 

◼ Aaron Taylor-Johnson နဲ့ Russell Crowe တို့နဲ့အတူ Ariana DeBose က Kraven ရဲ့ ချစ်သူ Calypso အဖြစ်၊ Fred Hechinger က Kraven the Hunter ရဲ့ ညီ Dmitri Smerdyakov အဖြစ် နဲ့ Christopher Abbott, Alessandro Nivola နဲ့ Levi Miller တို့လည်း ပါဝင်ထားပါတယ်။ Russell Crowe ဟာ ဘယ်ဇာတ်ကောင်နေရာကနေပါဝင်ထားလဲဆိုတာကတော့ မသိရသေးပါဘူး။ 

◼ Kraven the Hunter ကို လာမယ့် အောက်တိုဘာ ၆ ရက်နေ့မှာ ရုံတင်ပြသမှာဖြစ်ပါတယ်။ ယခင် Spider-Verse ရုပ်ရှင်တွေဖြစ်တဲ့ Venom: Let There Be Carnage နဲ့ Morbius တို့ ဝေဖန်ခံရပြီးတဲ့နောက်မှာ ပရိသတ်တွေက Kraven the Hunter ကို သတိထားစောင့်ကြည့်နေကြပါတယ်။

◼ Sony ရဲ့ Spider-Verse မှာ Kraven the Hunter အပြင် အဆိုတော် Bad Bunny ရဲ့ El Muerto (ပြသရက် ဇန်နဝါရီ ၁၂၊ ၂၀၂၄)၊ Dakota Johnson နဲ့ Sidney Sweeny တို့ရဲ့ Madame Web (ပြသရက် ဖေဖော်ဝါရီ ၁၄၊ ၂၀၂၄) နဲ့ Tom Hardy ရဲ့ Venom 3 (ပြသရက်မသိရသေး) တို့လည်း ထွက်ဖို့ကျန်ပါသေးတယ်။

Ref: Deadline

Sub-Zero ရေးသည်။