Wonder Woman မဟုတ်ကြောင်း Ana De Armas ငြင်းဆန်

Wonder Woman မဟုတ်ကြောင်း Ana De Armas ငြင်းဆန်

ဧပြီ ၂၄၊ ၂၀၂၃။

◼ ချောမောလှပတဲ့မျက်နှာပိုင်ရှင် ကျူးဘားသရုပ်ဆောင် Ana De Armas ဟာ အက်ရှင်ရုပ်ရှင်ကားပေါင်းများစွာမှာ ပါဝင်သရုပ်ဆောင်ခဲ့တဲ့ မင်းသမီးတစ်လက်ဖြစ်ပါတယ်။

◼ Warner Bros. Discovery လက်အောက်ခံ DC Studios ဟာ DC Universe အသစ်ကို သရုပ်ဆောင်အပြောင်းအလဲပြုလုပ်ပြီး တည်ဆောက်ဖို့ပြင်ဆင်နေပါတယ်။

◼ DC Universe သစ်ရဲ့ Wonder Woman ဇာတ်ကောင်နေရာအတွက် ပရိသတ်တချို့က Ana De Armas ကို လျာထားကြပေးမယ့်လည်း Ana De Armas ဘက်ကတော့ သူ(မ)ဟာ Wonder Woman မဟုတ်ကြောင်း ငြင်းဆန်ထားပါတယ်။

◼ Wired Auto Complete အစီအစဥ်မှာ Wonder Woman နဲ့ ပတ်သက်ပြီး Ana De Armas အခုလိုပြောပြလာပါတယ်။

"ကျွန်မကတော့ Gal Gadot က ပိုကောင်းတယ်လိုတော့ခံစားမိတယ်။ သူပဲဆက်လုပ်သင့်တယ်လို့တော့ထင်ပါတယ်။"

◼ Ana De Armas ဟာ John Wick spin-off ရုပ်ရှင် Ballerina မှာ အဓိကပါဝင်ထားသလို သူ့ရဲ့ရုပ်ရှင်သစ် Ghosted ဟာလည်း Apple TV မှာ စတင်​ပြသနေပြီဖြစ်ပါတယ်။

◼ DC Studios ဟာ DC Universe သစ်အတွက် ပရောဂျက်ဆယ်ခုကြေညာထားပြီးဖြစ်သလို အဲဒီပရောဂျက်တွေထဲမှာ Wonder Woman ရဲ့ Themyscria ကျွန်းအကြောင်းရိုက်ကူးပြသမယ့် Paradise Lost ဆိုတဲ့ ဇာတ်လမ်းတွဲတစ်ခုပါဝင်ပါတယ်။ သို့ပေမယ့် Superman: Legacy, Creature Commandos နဲ့ Swamp Thing ကလွဲလို့ ကျန်ပရောဂျက်တွေရဲ့သတင်းတွေကိုတော့မသိရသေးပါဘူး။

◼ Gal Gadot ဟာ ယခင် DCEU အတွက် Wonder Woman အဖြစ် သရုပ်ဆောင်ခဲ့ပေမယ့် Wonder Woman 3 ဖျက်သိမ်းခံရပြီးနောက်မှာတော့ DC Universe သစ်မှာ Gal Gadot ရဲ့ Wonder Woman ကို ထပ်မံတွေ့ရမတွေ့ရကိုတော့မသိရသေးပါဘူး။

Ref: Deadline

Sub-Zero ရေးသည်။