Erotic thriller ရုပ်ရှင်တစ်ခုမှာ Nicholas Hoult နဲ့ Melissa Barrera တို့ ပါဝင်လာ

ပုံစာ - The One မှာ အတူတူသရုပ်ဆောင်မယ့် Nicholas Hoult နဲ့ Melissa Barrera

Erotic thriller ရုပ်ရှင်တစ်ခုမှာ Nicholas Hoult နဲ့ Melissa Barrera တို့ ပါဝင်လာ

မေ ၁၁၊ ၂၀၂၃။

◼ လက်ရှိနာမည်ကြီးနေကြတဲ့ Renfield သရုပ်ဆောင် Nicholas Hoult နဲ့ Scream VI သရုပ်ဆောင် Melissa Barrera တို့ဟာ The One ဆိုတဲ့ erotic thriller ရုပ်ရှင်တစ်ကားမှာ အတူတူအပြိုင်သရုပ်ဆောင်ကြတော့မှာဖြစ်ပါတယ်။

◼ The One ရဲ့ ဇာတ်လမ်း၊ ဇာတ်ညွှန်းနဲ့ ဒါရိုက်တာနေရာတွေကို Kevin Armento နဲ့ Jaki Bradley တို့က ပူးတွဲတာဝန်ယူထားတာဖြစ်ပြီး ခေတ်သစ်ဖျော်ဖြေရေးပုံစံနဲ့တင်ဆက်ပြသမယ့် အချစ်နဲ့စိတ်ပညာဆိုင်ရာ အိပ်မက်ဆိုးဆန်ဆန်ထိတ်လန့်စရာရုပ်ရှင်တစ်ကားဖြစ်တယ် လို့ အကြမ်းဖျဥ်းသိရပါတယ်။

◼ The One မှာ Melissa Barrera က အချစ်စစ်ကိုရှာဖွေဖို့အတွက် reality dating show တစ်ခုမှာ ဝင်ပြိုင်ရင်း နောက်ဆုံးအဆင့်အနိုင်ရသူဖြစ်ဖို့ကြိုးစားနေတဲ့ Taylor ဆိုတဲ့ ဇာတ်ကောင်နေရာကနေ ပါဝင်သွားမှာဖြစ်ပေမယ့် Nicholas Hoult ရဲ့ ဇာတ်ကောင်နေရာအပါအဝင် ကျန်နေသေးတဲ့ ပြသရက်နဲ့အသေးစိတ်ကိုလည်းမသိရသေးပါဘူး။

◼ Scream VI နဲ့ Renfield ဟာ လက်ရှိမှာလူပြောများနေတဲ့ရုပ်ရှင်တွေဖြစ်ကြသလို အဲဒီရုပ်ရှင်တွေကသရုပ်ဆောင်နှစ်ယောက်ကို ရုပ်ရှင်တစ်ကားတည်းမှာအတူတူတွေ့ရမယ်ဆိုတဲ့အတွက် ပရိသတ်တွေက စောင့်မျှော်နေလျက်ရှိပါတယ်။

Ref: Deadline

Sub-Zero ရေးသည်။