Star Wars မှာ spin-off တွေ များလွန်းတယ် လို့ သရုပ်ဆောင် Liam Neeson ပြောလာ

Star Wars မှာ spin-off တွေ များလွန်းတယ် လို့ သရုပ်ဆောင် Liam Neeson ပြောလာ

Star Wars | ဖေဖော်ဝါရီ ၁၈၊ ၂၀၂၃။

◼ သရုပ်ဆောင် Liam Neeson ဟာ Star Wars prequel ရုပ်ရှင်တစ်ကားဖြစ်တဲ့ Star Wars Episode I: The Phantom Menace နဲ့ Star Wars ဇာတ်လမ်းတွဲတစ်ခုဖြစ်တဲ့ Obi-Wan Kenobi မှာ Jedi master Qui-Gon Jinn အဖြစ် ပါဝင်ထားပါတယ်။

◼ ဖေဖော်ဝါရီ ၁၆ ရက်နေ့က ထုတ်လွှင့်ခဲ့တဲ့ Watch What Happens Live! အစီအစဥ်မှာ Liam Neeson ကို နောက်ထပ်ထွက်ရှိမယ့် Star Wars spin-off တွေမှာ ထပ်မံပါဝင်လိုစိတ်ရှိမရှိကို မေးမြန်းလာတဲ့အခါမှာ Liam Neeson ဘက်က ပါဝင်လိုစိတ်မရှိကြောင်းနဲ့ Star Wars မှာ spin-off တွေ များလွန်းနေကြောင်း အခုလိုပြောလာပါတယ်။

"မပါပါဘူးဗျ။ Star Wars မှာ spin-off တွေ အရမ်းများလွန်းနေတယ်။ ဒါက ကျွန်တော့်အတွက် အားလျော့စေတယ်။ အဲဒါက ကျွန်တော့်အတွက် Star Wars ရဲ့ ဆန်းကြယ်လှပမှုနဲ့ ပဥ္စလက်ဆန်မှုကိုလျော့စေတယ်။"

◼ Star Wars ဟာ The Mandalorian, The Book of Boba Fett, Andor အပြင် Ashoka နဲ့ The Acolyte စတဲ့ spin-off များလည်း ထွက်ရှိဖို့ကျန်ပါသေးတယ်။

Ref: Variety

McGarrett ရေးသည်။