Toy Story 5 နှင့် Frozen Sequels များ ထပ်မံထွက်ရှိလာဦးမည်

 Toy Story 5 နှင့် Frozen Sequels များ ထပ်မံထွက်ရှိလာဦးမည်

ဖေဖော်ဝါရီ ၉၊ ၂၀၂၃

◼ အားလုံးကြိုက်တဲ့ Toy Story နဲ့ Frozen ကတော့ ရပ်တန့်မသွားပဲ နောက်ထပ် Adventure ဇာတ်လမ်းမျိုးနဲ့ လာဦးမည်လို့ Disney Company ရဲ့ CEO ဖြစ်သူ Bob Iger ဆီကနေ သတင်းထွက်ရှိလာခဲ့ပါတယ်။

◼ Bob Iger ရဲ့ အတည်ပြုချက်အရ Disney နဲ့ Pixar ဟာ နောက်ထပ် Toy Story ရုပ်ရှင်သစ်၊ Frozen ရုပ်ရှင်သစ်နဲ့ Zootopia ရုပ်ရှင်သစ်တွေကို ဇာတ်လမ်းပြင်ဆင်တည်ဆောက်နေကြောင်းသိရပါတယ်။

◼ ဒါဟာ Disney ရဲ့ Princess ကြိုက်သူတွေအတွက်လည်း ဇာတ်ကားကောင်းတစ်ကားထွက်ရှိလာမှာဖြစ်သလို Toy Story ရဲ့ အမာခံ Fan တွေအတွက်လည်း သတင်းကောင်းပါပဲ။

◼ Frozen တွေဟာ ၂၀၁၃ မှာရော ၂၀၁၉ မှာပါ ရုံဝင်ငွေ တစ်အားကောင်းခဲ့တဲ့ ဇာတ်ကားတွေဖြစ်ခဲ့အပြင် Toy Story 3 နဲ့ 4 တို့ကလည်း ဆက်တိုက် ရုံဝင်ငွေ စံချိန်တွေ ချိုးလာတဲ့ Animation တွေဖြစ်ပါတယ်။ 

◼ ငယ်ဘဝရဲ့ ဇာတ်လမ်းတွေက တစ်ဖန်ပြန်တွေးကြည့်ရင် လွမ်းမောဖွယ်ရာပါပဲ။ အချစ်တွေ၊ အလွမ်းတွေထက် အဖော် ပိုပြုပေးတဲ့ Animation တွေ အမျိုးမျိုးကို ထုတ်လုပ်ပေးခဲ့တာ Disney နဲ့ Pixar ကို ကျေးဇူးတင်ရမှာပါပဲ။

◼ Toy Story တို့ Frozen တို့ အသစ်တွေထွက်လာခဲ့ရင် အမှတ်တရတွေများစွာနဲ့ အရင်တုန်းက Animation လေးတွေ နောက်တစ်ခေါက် ပြန်ကြည့်ကြည့်ပါ။ သင်ကိုယ်တိုင် ငယ်ဘဝ ပြန်ရောက်သွားပါလိမ့်မယ်။

John Snow ရေးသည်။