Season 2 အတွက်ပါ ဇာတ်လမ်းရေးနေပြီ ဆိုတဲ့ Percy Jackson and the Olympians

Season 2 အတွက်ပါ ဇာတ်လမ်းရေးနေပြီ ဆိုတဲ့ Percy Jackson and the Olympians

မတ် ၂၈၊ ၂၀၂၃။

◼ စာရေးဆရာ Rick Riordan ရဲ့ Percy Jackson and the Olympians ဝတ္ထုတွေကို Disney+ က TV Series တစ်ခုအဖြစ် ဖန်တီးကာ ၂၀၂၄ ထဲမှာ ပြသမှာဖြစ်ပါတယ်။

◼ Percy Jackson and the Olympians မှာ Leah Jeffries က Annabeth Chase အဖြစ်၊ Walker Scobell က Percy Jackson အဖြစ် နဲ့ Aryan Simhadri က Grover အဖြစ် သရုပ်ဆောင်ထားပါတယ်။

◼ ဒါ့အပြင် Percy Jackson and the Olympians ဇာတ်လမ်းတွဲမှာ ဂရိနတ်ဘုရားတွေထဲက Zeus, Poseidon, Hades နဲ့ Hephastus ဆိုတဲ့ နတ်ဘုရားလေးဆူလည်း ပါဝင်လာမှာဖြစ်ပြီး Zeus အဖြစ် မကြာသေးမီကဆုံးပါးသွားတဲ့ Lance Reddick, Poseidon အဖြစ် Toby Stevens, Hades အဖြစ် Jay Duplass နဲ့ Hephastus အဖြစ် Timothy Omundsen တို့က သရုပ်ဆောင်သွားကြမှာပါ။

◼ Percy Jackson and the Olympians ဟာ Season 1 အတွက် ရိုက်ကူးရေးပြီးစီးသွားပြီဖြစ်သလို စာရေးဆရာ Rick Riordan ဘက်ကလည်း Season 2 အတွက်ပါ ဇာတ်လမ်းစတင်ရေးသားနေပြီဖြစ်ကြောင်း ၎င်းရဲ့ကိုယ်ပိုင်ဘလော့ခ်ကနေတစ်ဆင့် အတည်ပြုပေးလာပါတယ်။ သို့ပေမယ့် Disney+ ဘက်ကတော့ Season 2 အတွက် ဇာတ်လမ်းပြင်ဆင်ခွင့်သာပေးထားပြီး ဆက်လက်ထုတ်လုပ်ဖို့အတွက် တရားဝင်ခွင့်ပြုထားခြင်းတော့မရှိသေးပါဘူး။ Rick Riordan ရဲ့ ဘလော့ဂ်ပို့စ်အရ Percy Jackson and the Olympians Season 2 ကို Percy Jackson and the Olympians: The Sea of Monsters ကနေ ကောက်နှုတ်ဖန်တီးသွားမှာဖြစ်ကြောင်းသိရပါတယ်။

◼ Percy Jackson and the Olympians Season 1 ဟာ အခန်း ၂၂ခန်းပါ Percy Jackson and the Olympians: The Lightning Thief ဝတ္ထုကို အခြေခံထားတာဖြစ်ပြီး အပိုင်း ၈ ပိုင်း ပါဝင်သွားမှာဖြစ်ပါတယ်။

ပုံစာ (ဝဲမှယာ) - Leah Jeffries, Walker Scobell, Aryan Simhadri 

Ref: Collider

McGarrett ရေးသည်။