Star Wars မှာ ပါဝင်သရုပ်ဆောင်ဖို့ Al Pacino ငြင်းခဲ့တယ်

Star Wars မှာ ပါဝင်သရုပ်ဆောင်ဖို့ Al Pacino ငြင်းခဲ့တယ်

ဧပြီ ၂၁၊ ၂၀၂၃။

◼ ဟောလိဝုဒ်ရဲ့နာမည်ကျော်သရုပ်ဆောင်တစ်ယောက်ဖြစ်တဲ့ Al Pacino ဟာ နာမည်ကျော် Star Wars Franchise မှာ ပါဝင်ဖို့အတွက် ငြင်းခဲ့ပါတယ်။

◼ အော်စကာဆုရသရုပ်ဆောင် Al Pacino ကို Star Wars မှာ Han Solo ဇာတ်ကောင်အတွက်ကမ်းလှမ်းခဲ့ပေမယ့်လည်း ငြင်းပယ်ခဲ့တဲ့အတွက် Han Solo နေရာကို Harrison Ford က ရရှိခဲ့ပါတယ်။

◼ Han Solo နေရာကနေပါဝင်ဖို့အတွက် ငြင်းပယ်ခဲ့ပုံကို Al Pacino က နယူးယောက်ခ်မြို့၊ ၉၂လမ်း မှာ ကျင်းပခဲ့တဲ့ People Who Inspire Us စကားဝိုင်းတစ်ခုမှာအခုလိုပြောပြလာပါတယ်။

"သူတို့က ကျွန်တော့်ကို Star Wars လို့ ခေါ်တဲ့ ဇာတ်ညွှန်းတစ်စောင်ပေးတယ်။ ငွေတွေအများကြီးလည်း ကျွန်တော့်ကိုကမ်းလှမ်းတယ်။ အဲဒီဟာကို ကျွန်တော်နားမလည်ဘူးဗျ။ ကျွန်တော်ဖတ်ခဲ့တာပဲ။ အဲတော့ ကျွန်တော်မလုပ်နိုင်ဘူးလို့ပြောခဲ့လိုက်တယ်။ Harrison Ford ကို ကျွန်တော်အလုပ်ပေးခဲ့တာပေါ့ဗျာ။"

◼ Han Solo ဇာတ်ကောင်ဟာ Star Wars Franchise ရဲ့ အဓိကကျတဲ့ဇာတ်ကောင်တစ်ခုဖြစ်ပြီး Al Pacino သာ လက်ခံခဲ့မယ်ဆိုရင်တော့ ရလဒ်တစ်မျိုးပြောင်းသွားနိုင်ပါတယ်။

Ref: Variety

McGarrett ရေးသည်။