Johnny Depp ကိုယ်တိုင် ဒါရိုက်တာလုပ်ပြီးရိုက်မယ့် ပန်းချီဆရာတစ်ဦးရဲ့ အတ္ထုပ္ပတ္တိရုပ်ရှင်

Johnny Depp ကိုယ်တိုင် ဒါရိုက်တာလုပ်ပြီးရိုက်မယ့် ပန်းချီဆရာတစ်ဦးရဲ့ အတ္ထုပ္ပတ္တိရုပ်ရှင်

မေ ၁၁၊ ၂၀၂၃။

◼  သရုပ်ဆောင် Johnny Depp ဟာ ၎င်းရဲ့ အနုပညာလုပ်သက် ၂၅ နှစ်မှာ ပထမဆုံးအနေနဲ့ အတ္ထုပ္ပတ္တိရုပ်ရှင်တစ်ကားကို ၎င်းကိုယ်တိုင် ဒါရိုက်တာနေရာကနေ တာဝန်ယူရိုက်ကူးသွားတော့မှာဖြစ်ပါတယ်။

◼ အီတာလျံပန်းချီပညာရှင်တစ်ယောက်ဖြစ်တဲ့ Amedeo Modigliani ရဲ့ ဘဝအကြောင်းကို ရိုက်ကူးသွားမယ့်ရုပ်ရှင်မှာ Johnny Depp က ဒါရိုက်တာနေရာကနေ တာဝန်ယူထားတာဖြစ်ပြီး ဇာတ်ညွှန်းကိုတော့ Dennis McIntyre, Jerzy နဲ့ Mary Kromolowski တို့က ရေးသားပေးထားတာပါ။ ရိုက်ကူးရေးကတော့ ၂၀၂၃ နှစ်ကုန်ပိုင်းမှာ ဘူဒါပတ်စ်မှာစတင်သွားမှာဖြစ်ပါတယ်။

◼ ဒီရုပ်ရှင်ဟာ Amendo Modigliani တစ်ယောက် ၁၉၁၆ မှာ ပြင်သစ်နိုင်ငံ၊ ပါရီမြို့မှာ ဖြတ်သန်းခဲ့ရတဲ့အတွေ့အကြုံတွေအကြောင်းကိုပြသမှာဖြစ်ပါတယ်။ John Wick: Chapter 2 သရုပ်ဆောင် Riccardo Scamarcio က Amendo Modigliani အဖြစ် သရုပ်ဆောင်သွားမှာဖြစ်ပြီး ဝါရင့်သရုပ်ဆောင် Al Pacino နဲ့ ဆီဇာဆုရသရုပ်ဆောင် Pierre Niney တို့လည်း ပါဝင်ထားပါတယ်။

◼ ပြသရက်နဲ့အသေးစိတ်ကိုတော့ မသိရသေးပါဘူး။

Ref: Deadline

McGarrett ရေးသည်။