ရွှေမင်းသားလေးရဲ့ချစ်ပုံပြင် ကိုရီးယားဇာတ်လမ်းတွဲကို remake ရိုက်ကူးရန် audition ခေါ်ရန်ပြင်ဆင်နေ

ရွှေမင်းသားလေးရဲ့ချစ်ပုံပြင် ကိုရီးယားဇာတ်လမ်းတွဲကို remake ရိုက်ကူးရန် audition ခေါ်ရန်ပြင်ဆင်နေ

K-Drama | ဖေဖော်ဝါရီ ၁၄၊ ၂၀၂၃။

◼ မြန်မာပရိသတ်တွေကြားမှာ ရွှေမင်းသားလေးရဲ့ချစ်ပုံပြင် လို့ နာမည်ကြီးခဲ့တဲ့ Princess Hours တောင်ကိုရီးယားဇာတ်လမ်းတွဲကို တောင်ကိုရီးယားအခြေစိုက် ထုတ်လုပ်ရေးကုမ္ပဏီတစ်ခုဖြစ်တဲ့ Group 8 က သရုပ်ဆောင်ပြောင်းပြီး remake ရိုက်ကူးတော့မှာဖြစ်ပါတယ်။

◼ Princess Hours ကို ၂၀၁၇ မှာ ထိုင်းနိုင်ငံက remake ရိုက်ကူးခဲ့သလို Group 8 ကုမ္ပဏီကလည်း remake ရိုက်ကူးဖို့ ၂၀၂၁ မှာ ပြင်ဆင်ခဲ့ပေမယ့်လည်း ကိုဗစ်ရောဂါအခြေအနေတွေကြောင့် နှောင့်နှေးခဲ့ရပါတယ်။

◼ Princess Hours remake နဲ့ ပတ်သက်ပြီး Group 8 ဘက်ကတော့ လက်ရှိမှာ Princess Hours remake ဟာ စီစဥ်ဆဲအနေအထားမှာရှိနေပြီး ရိုက်ကူးရေးစတင်ရန်ပြင်ဆင်မှုအခက်အခဲများစွာရှိနေသေးတဲ့အတွက် ၂၀၂၃ ထဲမှာ ရိုက်ကူးရေးစတင်ရန်မဖြစ်နိုင်ကြောင်း၊ ၂၀၂၄ အစောပိုင်းမှာစတင်နိုင်ဖွယ်ရှိကြောင်းနဲ့ ကြားကာလတွင်းမှာအခြေအနေအမျိုးမျိုးပြောင်းလဲနိုင်ကြောင်း သတင်းထုတ်ပြန်လာပါတယ်။

◼ တောင်ကိုရီးယားမီဒီယာတချို့ရဲ့ဖော်ပြချက်များနဲ့ ကောလာဟလများအရ Princess Hours remake အတွက် audition ခေါ်ယူရန်ပြင်ဆင်နေကြပြီး နာမည်ကျော်သရုပ်ဆောင်အများစုဟာ audition ဝင်ရောက်ယှဥ်ပြိုင်ရန်ပြင်ဆင်နေကြကြောင်းသိရပါတယ်။

◼ ဘယ်သရုပ်ဆောင်က audition ဝင်မလဲဆိုတာနဲ့ audition နဲ့ ပတ်သက်တဲ့အသေးစိတ်ကိုတော့မသိရသေးပါဘူး။

Ref: AllKPop