Shah Rukh Khan ကို MCU မှာ ထည့်ပေးဖို့ အိန္ဒိယစားဖိုမှူးတစ်ဦးမှ Paul Rudd ကို ပြောလာ
ဖေဖော်ဝါရီ ၁၈၊ ၂၀၂၃။
◼ Marvel ရုပ်ရှင်တစ်ကားဖြစ်တဲ့ Ant-Man & the Wasp: Quantumania ဟာ ဖေဖော်ဝါရီ ၁၇ ရက်နေ့ကနေ စတင်ပြီး ကမ္ဘာ့နိုင်ငံ အများအပြားမှာ ရုံတင်ပြသနေပြီ ဖြစ်ပါတယ်။
◼ Ant-Man & the Wasp: Quantumania ကို အိန္ဒိယနိုင်ငံအတွက် ပရိုမိုးရှင်းဆင်းဖို့အတွက် Ant-Man သရုပ်ဆောင် Paul Rudd ဟာ နာမည်ကြီး အိန္ဒိယ စားဖိုမှူး တစ်ယောက်ဖြစ်တဲ့
Vikas Khanna နဲ့ ဗွီဒီယိုကွန်ဖရင့် စကားဝိုင်းတစ်ခု ပြုလုပ်ခဲ့ပါတယ်။
◼ အဲဒီစကားဝိုင်းမှာ ဟင်းလျာတွေအကြောင်းသာမက Pual Rudd ဟာ Telugu ရုပ်ရှင် RRR အကြောင်းချီးကျူးခဲ့သလို Vikas Khanna ကလည်း အိန္ဒိယမှာ Marvel ပရိသတ်များပြားကြောင်းနဲ့ Ant-Man & The Wasp: Quantumania အကြောင်း ချီးကျူးပြောဆိုရင်း Bollywood ရဲ့ နာမည်ကြီးသရုပ်ဆောင် Shah Rukh Khan ကို MCU မှာ နေရာတစ်ခုလောက် ထည့်ပေးဖို့ Paul Rudd ကို အရွှန်းဖောက်ရင်း ပြောလာပါတယ်။
"ကျွန်တော် ခင်ဗျားကို အိန္ဒိယသရုပ်ဆောင်တစ်ယောက်အကြောင်း recommend ပေးချင်တယ်၊ သူ့မှာ ပရိသတ်လဲများတယ်။ နောက်ထပ်ထွက်မယ့် Marvel ကားသစ်မှာ Shah Rukh Khan ကို ထည့်ပေးပါလား။ ဒါ ကျွန်တော် လေးလေးစားစား တောင်းဆိုတာပါ။"
◼ လက်ရှိ အိန္ဒိယရုပ်ရှင်ရုံတွေမှာ Shah Rukh Khan ရဲ့ Pathaan ရုပ်ရှင်နဲ့ Ant-Man & the Wasp: Quantumania တို့ဟာ အသီးသီးအောင်မြင်နေပါတယ်။
Ref: BOW
McGarrett ရေးသည်။
0 Comments