Shah Rukh Khan နဲ့ Vijay Sethupathi ရဲ့ Jawan ရုပ်ရှင်အကြောင်း ​နောက်ဆုံးရသတင်းများ

Shah Rukh Khan နဲ့ Vijay Sethupathi ရဲ့ Jawan ရုပ်ရှင်အကြောင်း ​နောက်ဆုံးရသတင်းများ

Bollywood | ဖေဖော်ဝါရီ ၁၂၊ ၂၀၂၃။

◼ Bollywood သရုပ်ဆောင် Shah Rukh Khan ဟာ ၂၀၂၃ မှာ Pathaan, Jawan နဲ့ Dunki ဆိုတဲ့ရုပ်ရှင်သုံးကားထွက်ရှိမှာဖြစ်ပြီး Pathaan ကတော့ ရုံတင်ငွေစုစုပေါင်း အိန္ဒိယရူပီး ကူဋေကိုးရာကျော်အထိရရှိကာ အောင်မြင်မှုရရှိနေပါတယ်။

◼ Jawan နဲ့ Dunki တို့ရဲ့ရိုက်ကူးရေးအခြေအနေဟာ နောက်ဆုံးအဆင့်ကိုရောက်ရှိနေတာဖြစ်ကြောင်းသိရပါတယ်။

◼ Jawan ကတော့ ရိုက်ကူးရေးကာလ ရက် ၁၃၀ ကြာပြီဖြစ်သလို နောက်ထပ်ရိုက်ကူးရေးကာလ ရက် ၂၀ ကနေ ရက် ၃၀ အထိ ကျန်ရှိနေပါသေးတယ်။ Jawan မှာ Shah Rukh Khan ဟာ ဇာတ်ကောင်စရိုက်နှစ်မျိုးသရုပ်ဆောင်ရမှာဖြစ်ကြောင်းသိရပါတယ်။ ဒါ့အပြင် Jawan မှာ ပြေးခန်းလိုက်ခန်းအက်ရှင်ခန်းတစ်ခုပါဝင်ကြောင်းသိရပါသေးတယ်။

◼ Jawan ရုပ်ရှင်ရဲ့ အက်ရှင်ပြကွက်တွေကို Hollywood နာမည်ကြီးရုပ်ရှင်တစ်ကားဖြစ်တဲ့ Fast and Furious 7 ရဲ့ အက်ရှင်အဖွဲ့သားတွေက တာဝန်ယူရိုက်ကူးပြင်ဆင်ပေးနေတာဖြစ်ပြီး Shah Rukh Khan ရဲ့ ဂျစ်ကားမောင်းပြကွက်ကိုလည်း Fast and Furious 7 ရဲ့ အက်ရှင်အဖွဲ့သားတွေက အထူးပြင်ဆင်ပေးခဲ့တာပါ။ ဒါ့အပြင် Anal Arasu နဲ့ Sunil Rodrigues တို့ကလည်း Jawan ရဲ့ အက်ရှင်ခန်းတွေကိုလည်းပြင်ဆင်ပေးနေသလို Sunil Rodrigues ဟာ Pathaan ရဲ့ အက်ရှင်ခန်းတွေကိုလည်း ပြင်ဆင်ပေးခဲ့ဖူးပါသေးတယ်။

◼ Jawan မှာ ဗီလိန်အဖြစ်ပါဝင်လာမယ့် Vijay Sethupathi ကတော့ Jawan ရဲ့ ဇာတ်ဝင်ခန်းအများစုကိုရိုက်ကူးပြီးစီးဖြစ်သလို Vijay Sethupathi ရဲ့ ရိုက်ကူးရေးကာလဟာလည်း သုံးရက်ပတ်လည်သာကျန်တော့​ကြောင်းသိရပါတယ်။ 

◼ Jawan မှာ Priyamani နဲ့ Sanya Malhotra တို့ရဲ့ အက်ရှင်ခန်းတွေလည်းပါဝင်မှာဖြစ်ပြီး Pathaan ထက် အက်ရှင်ခန်းပိုမိုများပြားမှာဖြစ်ကြောင်းသိရပါတယ်။

◼ Jawan မှာ Shah Rukh Khan ကို အသက်ငယ်တဲ့ပုံစံနဲ့ပါတွေ့ရမှာဖြစ်ပြီး Deepika Padukone ဟာ Shah Rukh Khan ရဲ့ သူငယ်ချင်းအဖြစ် cameo ပါဝင်လာမှာပါ။

◼ Jawan ကို တမီလ်ဒါရိုက်တာ Atlee က တာဝန်ယူရိုက်ကူးနေတာဖြစ်ပြီ ဇွန် ၂၊ ၂၀၂၃ မှာ ရုံတင်ပြသမှာဖြစ်ပါတယ်။

Ref: BOW

McGarrett ရေးသည်။