အိန္ဒိယပရိသတ်များက Shehzada ရုပ်ရှင်ထက် Ant-Man & the Wasp: Quantumania ကို ပိုမိုစိတ်ဝင်စားလျက်ရှိနေ

အိန္ဒိယပရိသတ်များက Shehzada ရုပ်ရှင်ထက် Ant-Man & the Wasp: Quantumania ကို ပိုမိုစိတ်ဝင်စားလျက်ရှိနေ

ဖေဖော်ဝါရီ ၁၂၊ ၂၀၂၃။

◼ Bollywood သရုပ်ဆောင် Kartik Aa​ryan နဲ့ Kriti Sanon တို့ရဲ့ remake ရုပ်ရှင် Shehzada ဟာ မူလက ဖေဖော်ဝါရီ ၁၀၊ ၂၀၂၃ မှာ ရုံတင်ပြသဖို့ပြင်ဆင်ထားပေမယ့်လည်း Shah Rukh Khan ရဲ့ Pathaan ဟာ ရုံတင်ငွေအားမြင့်တက်နေတဲ့အတွက် Shehzada ကို ဖေဖော်ဝါရီ ၁၇၊ ၂၀၂၃ မှာ ပြောင်းလဲပြသဖို့ရက်ရွှေ့ခဲ့ပါတယ်။ 

◼ Marvel ရုပ်ရှင်ကားတစ်ကားဖြစ်တဲ့ Ant-Man and the Wasp: Quantumania ဟာလည်း ဖေဖော်ဝါရီ ၁၇၊ ၂၀၂၃ မှာ အိန္ဒိယအပါအဝင်ကမ္ဘာ့နိုင်ငံအများစုမှာစတင်ရုံတင်သွားမှာဖြစ်ပါတယ်။

◼ ကံဆိုးစွာနဲ့ပဲ အိန္ဒိယပရိသတ်တွေဟာ remake ရုပ်ရှင် Shehzadaထက် Ant-Man & the Wasp: Quantumania ကို ပိုမိုစိတ်ဝင်စားလျက်ရှိနေကြောင်းတွေ့ရှိရပါတယ်။

◼ အိန္ဒိယနိုင်ငံတွင်းမှတ်တမ်းများအရ ဖေဖော်ဝါရီ ၁၇ အတွက် တစ်နိုင်ငံလုံးအတိုင်းအတာအနေနဲ့ Shehzada ရုပ်ရှင်အတွက် ပွဲကြိုလက်မှတ်ဖြတ်ထားမှုပမာဏဟာ ၆၃၁ စောင်သာရှိသေးပြီး Ant-Man and the Wasp: Quantumania အတွက် ပွဲကြိုလက်မှတ်ဖြတ်ထားမှုပမာဏ စောင်ရေ ၂၄,၀၀၀ အထိ ရှိနေပါတယ်။

◼ Shehzada အနေနဲ့ Ant-Man & the Wasp: Quantumania ရဲ့ လွှမ်းမိုးမှုကိုအတော်ရုန်းကန်ကျော်ဖြတ်ရမယ် လို့ အများစုကမှတ်ချက်​ပေးနေကြပါတယ်။

◼ Shehzada ဟာ Tollywood သရုပ်ဆောင် Allu Arjun ရဲ့ Ala Vaikunthapurramuloo ကို remake ပြန်လည်ရိုက်ကူးထားတာဖြစ်ပါတယ်။

◼ Marvel ရုပ်ရှင် Ant-Man & the Wasp: Quantumania ဟာ Ant-Man Scott Lang ရဲ့ သမီးဖြစ်သူ Cassie Lang ကိုပါ မိတ်ဆက်ထားတဲ့အပြင် MCU ရဲ့ Phase အသစ်မှာ အဓိကကျတဲ့ဇာတ်ကောင်ဖြစ်လာမယ့် Kang the Conqueror ကို ပိုမိုကျယ်ပြန့်စွာပြသထားတာပါ။

Ref: BOW

McGarrett ရေးသည်။