ဝါရင့်ဒါရိုက်တာကြီး Steven Spielberg မှ RRR ရုပ်ရှင်အပေါ် ချီးကျူးစကားပြောလာ

ဝါရင့်ဒါရိုက်တာကြီး Steven Spielberg မှ RRR ရုပ်ရှင်အပေါ် ချီးကျူးစကားပြောလာ

ဖေဖော်ဝါရီ ၁၃၊ ၂၀၂၃။

◼ ဒါရိုက်တာ S.S. Rajmouli ရဲ့ အိန္ဒိယတောင်ပိုင်း Telugu ရုပ်ရှင် RRR ဟာ မယုံနိုင်စရာကောင်းအောင် ဟောလိဝုဒ်အထိပေါက်မြောက်အောင်မြင်နေလျက်ရှိပါတယ်။

◼ ဟောလိဝုဒ်ရဲ့နာမည်ကျော်ဝါရင့်ဒါရိုက်တာတစ်ယောက်ဖြစ်တဲ့ Steven Spielberg ဟာ RRR ရုပ်ရှင်ဟာ မျက်လုံးအစာကျွေးတဲ့ရုပ်ရှင်ကားမျိုးဖြစ်ကြောင်း ဒါရိုက်တာ S.S. Rajmouli ကို Zoom Video Call ကနေ တစ်ဆင့် ပြီးခဲ့တဲ့ ဖေဖော်ဝါရီ ၁၀၊ ၂၀၂၃ မှာ ချီးကျူးစကားပြောခဲ့ပါတယ်။

◼ အဲဒီ မိနစ်သုံးဆယ်ကြာ Zoom Video Call ကို Spielberg ရဲ့ Amblin Entertainment နဲ့ ရေရှည်ပါတနာကုမ္ပဏီဖြစ်တဲ့ Reliance Entertainment က ဖန်တီးပြုလုပ်ပေးတာဖြစ်ပြီး Steven Spielberg ဟာ S.S. Rajmouli ကို အခုလိုချီးကျူးစကားဆိုလာပါတယ်။

"ခင်ဗျားရဲ့ရုပ်ရှင်ကိုထူးချွန်တယ်လို့တော့ကျွန်တော်ထင်တယ်။ ခင်ဗျားနဲ့ကျွန်တော်တွေ့တုန်းကတော့ အဲကားကိုမကြည့်ရသေးဘူး၊ ဒါပေမယ့် ပြီးခဲ့တဲ့အပတ်ကပဲကျွန်တော်ကြည့်လိုက်တယ်။ အံ့သြစရာကောင်းတာပဲ။ ကိုယ့်မျက်လုံးကိုယ်တောင်မယုံနိုင်ဘူး။ မျက်လုံးအစာကျွေးတဲ့ရုပ်ရှင်မျိုးပဲ။ ထူးချွန်ပြီး ကောင်းမွန်ပါတယ်။"

◼ Steven Spielberg ရဲ့ The Fablesman ရုပ်ရှင်ဟာ အော်စကာဆန်ခါတင်ရုပ်ရှင်တစ်ကားဖြစ်သလိုဝေဖန်ရေးသမားတွေရဲ့အားပေးမှုကိုရရှိထားတဲ့ရုပ်ရှင်ကားတစ်ကားဖြစ်ပါတယ်။

◼ RRR ဟာ သမိုင်းမှာတကယ်ရှိခဲ့တဲ့ ဗြိတိသျှတော်လှန်ရေးခေါင်းဆောင်နှစ်ယောက်ဖြစ်တဲ့ Rama Raju နဲ့ Koumaram Bheem အကြောင်းကို စိတ်ကူးယဉ်ဆန်းသစ်ရိုက်ကူးထားတဲ့ရုပ်ရှင်ဖြစ်ပါတယ်။

Ref: Variety

McGarrett ရေးသည်။