Action-thriller ရုပ်ရှင်ကားသစ် Bella မှာ Samara Weaving ပါဝင်သွားမယ်
မတ် ၃၁၊ ၂၀၂၃။
◼ နာမည်ကြီးရုပ်ရှင်ဖြန့်ချိရေးကုမ္ပဏီတစ်ခုဖြစ်တဲ့ Paramount ဟာ ၁၉၈၀ ကာလကိုဇာတ်အိမ်တည်မယ့် Bella ဆိုတဲ့ action-thriller ရုပ်ရှင်ကားသစ်တစ်ကားကို ဖြန့်ချိပြသဖို့ပြင်ဆင်နေပါတယ်။
◼ အဲဒီ Bella ရုပ်ရှင်မှာ Ready or Not, The Babysitter, Scream VI နဲ့ Babylon တို့မှာ ပါဝင်ခဲ့တဲ့ သြစတေးလျသရုပ်ဆောင် Samara Weaving က အဓိကနေရာကနေ သရုပ်ဆောင်သွားမှာဖြစ်ပါတယ်။ Bella ကို Bread & Circuses Entertainment နဲ့ John Wick ဒါရိုက်တာ Chad Stahelski ရဲ့ 87 Entertainment တို့ကနေ ပူးတွဲထုတ်လုပ်သွားမှာဖြစ်ပြီး ကနေဒါအမျိုးသမီးဒါရိုက်တာ Larysa Kondracki ကနေ တာဝန်ယူရိုက်ကူးသွားမှာပါ။
◼ ဇာတ်လမ်းသဘောကတော့ ၁၉၈၀ ဝန်းကျင်၊ နယူးယောက်ခ်မြို့က ရဲတစ်ယောက်ဟာ လုပ်ကြံခံလိုက်ရတဲ့အတွက် သမီးဖြစ်သူက လုပ်ကြံသူကိုရှာဖွေပြီး ရဲဌာနထဲက အကျင့်ပျက်ခြစားမှုတွေကိုဖော်ထုတ်တဲ့အကြောင်းဖြစ်ပါတယ်။ ဇာတ်ညွှန်းကိုတော့ Jason Markarian နဲ့ Jesse Wigutow တို့က ရေးသားပေးမှာဖြစ်ပါတယ်။
◼ ပြသရက်နဲ့ တခြားအသေးစိတ်ကိုတော့မသိရသေးပါဘူး
Ref: Deadline
McGarrett ရေးသည်။
0 Comments