မတ် ၃၁၊ ၂၀၂၃။
◼ It ရုပ်ရှင်နှစ်ကားနဲ့ တိုက်ရိုက်ဆက်စပ်မှုရှိတဲ့ prequel ဇာတ်လမ်းတွဲတစ်ခုဖြစ်တဲ့ Welcome to Derry ကို Warner Bros. နဲ့ HBO Max ဟာ စတင်ထုတ်လုပ်ဖို့ပြင်ဆင်နေပြီဖြစ်ပါတယ်။
◼ It ရဲ့ prequel ဇာတ်လမ်းတွဲ Welcome to Derry ဇာတ်လမ်းတွဲဟာ ဒါရိုက်တာ Andy Muschietti ရဲ့ It: Chapter 1 နဲ့ It: Chapter 2 မတိုင်ခင်က Derry မြို့မှာဖြစ်ပျက်ခဲ့တဲ့အဖြစ်အပျက်တွေကို အဓိကပြသမှာပါ။
◼ သို့ပေမယ့်လည်း Welcome to Derry မှာ သရုပ်ဆောင် Bill Skarsgård ရဲ့ Pennywise ဇာတ်ကောင်ကိုတော့ တွေ့ရမှာတော့မဟုတ်ပါဘူး။ Welcome to Derry မှာ Pennywise ပါဝင်လာမှာမဟုတ်ကြောင်းကို Bill Skarsgård က Jakes' Take ဆိုတဲ့ အင်တာဗျူးတစ်ခုမှာ အတည်ပြုလာခဲ့ပါတယ်။
"ပြောရရင် လောလောဆယ်တော့ အဲဒီထဲမှာကျွန်တော်မပါသေးဘူး။ တစ်ယောက်ယောက်လုပ်ချင်တယ်ဆိုရင်တော့ ကျွန်တော်အကြံပေးချင်တာက ကိုယ်ဘာသာကိုယ်လုပ်၊ ကိုယ်ဘာသာဖန်တီး၊ ပျော်ပျော်ကြီးလုပ်လိုက်။ အဲဒီဇာတ်ကောင်နဲ့ပတ်သက်ပြီး ကျွန်တော်သဘောကျတာက သူ့ရဲ့စိတ္တဇဆန်ပြီးရူးသွပ်မှုကိုပေါ့။"
◼ It ရုပ်ရှင်တွေဟာ မြို့တစ်မြို့မှာကလေးတွေပျောက်ဆုံးနေတဲ့အဖြစ်အပျက်နဲ့ မကောင်းဆိုးဝါးတစ်ကောင်အကြောင်းရိုက်ကူးထားတာဖြစ်ပါတယ်။
◼ Welcome to Derry ကို Warner Bros. Television နဲ့ It ဒါရိုက်တာ Andy Muschietti အပါအဝင် Barbara Muschietti နဲ့ Jason Fuchs တို့က တာဝန်ယူထုတ်လုပ်ပြသမှာဖြစ်ပါတယ်။ Jason Fuchs ဟာ Welcome to Derry ရဲ့ ပထမဆုံးအပိုင်းကို ဇာတ်လမ်းဇာတ်ညွှန်းရေးသားမှာဖြစ်ပါတယ်။
◼ ပြသရက်နဲ့ကျန်ရှိနေတဲ့အသေးစိတ်ကိုတော့မသိရသေးပါဘူး။
Ref: Collider
McGarrett ရေးသည်။
0 Comments