Avatar sequel တွေမှာ ပြန်မပါချင်တော့တဲ့ Michelle Rodriguez
မတ် ၃၁၊ ၂၀၂၃။
◼ ၂၀၀၉ က ထွက်ခဲ့တဲ့ ဒါရိုက်တာ James Cameron ရဲ့ Avatar မှာ Fast & Furious သရုပ်ဆောင် Michelle Rodriguez ဟာ Trudy Chacón ဆိုတဲ့ ဇာတ်ကောင်နေရာကနေ ပါဝင်ခဲ့ပါတယ်။
◼ ၂၀၂၂ က ထွက်ခဲ့တဲ့ Avatar: The Way of Water မှာ Avatar ထဲက သရုပ်ဆောင် Stephen Lang ရဲ့ Quaritch ဇာတ်ကောင်ကို Na'vi Avatar တစ်ယောက်အနေနဲ့ ပြန်လည်ထည့်သွင်းခဲ့သလို သရုပ်ဆောင် Sigourney Weaver ကိုလည်း Kiri အငယ်စားနေရာကနေ ပြန်လည်အသုံးပြုခဲ့ပါတယ်။
◼ Avatar မှာ Michelle Rodriguez ရဲ့ Trudy ဇာတ်ကောင်ဟာ Jake Sully, Neytiri နဲ့ Na'vi တွေဘက်ကနေကူညီခဲ့ရင်းသေဆုံးခဲ့ရတာဖြစ်ပါတယ်။ ဒါရိုက်တာ James Cameron ဟာ Avatar: The Way of Water မှာ Michelle Rodriguez ကို Trudy အဖြစ် ပြန်လည်ပါဝင်စေဖို့စီစဥ်ခဲ့ဖူးပါသေးတယ်။ ဒါပေမယ့် Michelle Rodriguez ဘက်ကတော့ James Cameron ရဲ့ ကမ်းလှမ်းချက်ကိုငြင်းပယ်ပြီး Avatar: The Way of Water မှာ ပါဝင်ခြင်းမပြုခဲ့ပါဘူး။
◼ ဒီလိုငြင်းဆန်ခဲ့ရပုံကို Michelle Rodriguez က Vanity Fair မဂ္ဂဇင်းနဲ့ အမေးအဖြေကဏ္ဍတစ်ခုမှာ အခုလိုမျိုးပြောပြလာပါတယ်။
"ကျွန်မ Jim (James Cameron) ကို တွေ့တုန်းက သူဘာတွေးနေလဲဆိုတော့ 'ငါတွေးနေတာ၊ Michelle ကို ပြန်ခေါ်ကြရင်ရော၊ Way of Water မှာ အများကြီးပြန်ပါလာတာလေ။' တဲ့။ ကျွန်မဘက်ကတော့ 'အဲလိုလုပ်လို့မရဘူးလေ၊ ကျွန်မက သူရဲကောင်းလိုသေခဲ့တာလေ။ Jim ရေ၊ Resident Evil မှာလည်း ကျွန်မ မပါသင့်ပဲပြန်ပါလာတယ်၊ Machete မှာလည်း ကျွန်မ မပါသင့်ပဲပြန်ပါလာတယ်၊ Letty မှာလည်း ကျွန်မ မပါသင့်ပဲပြန်ပါလာတယ်၊ လေးခါမြောက်တော့ထပ်လုပ်လို့မရတော့ဘူးလေ။' နားမလည်တော့ဘူး။ သူတို့ကြည့်ရတာ ရည်းစားမရှိတဲ့ကောင်မလေးတွေကို ဘာလုပ်လို့လုပ်ရမှန်းမသိတဲ့ပုံပဲ။"
◼ လက်ရှိမှာ Michelle Rodriguez ဟာ Dungeons and Dragons: Honor Among Thieves နဲ့ Fast X မှာ ပါဝင်ထားပါတယ်။
◼ Avatar: The Way of Water ဟာ ဒစ်ဂျစ်တယ်စနစ်နဲ့ ပရိသတ်တွေဆီကိုရောက်ရှိနေပြီဖြစ်သလို Avatar 3 လည်း ထွက်ရှိဦးမှာဖြစ်ပါတယ်။
Ref: Vanity Fair
McGarrett ရေးသည်။
0 Comments