Amazon Prime Video ရဲ့ ဇာတ်လမ်းတွဲတစ်ခုမှာ Oscar Isaac ပါဝင်ဖွယ်ရှိနေ

Amazon Prime Video ရဲ့ ဇာတ်လမ်းတွဲတစ်ခုမှာ Oscar Isaac ပါဝင်ဖွယ်ရှိနေ

မတ် ၁၅၊ ၂၀၂၃။

◼ လက်ရှိ လူငယ်တွေကြားမှာရေပန်းစားနေတဲ့ သရုပ်ဆောင် Oscar Isaac ဟာ Amazon Prime Video က ထုတ်လုပ်ပြသမယ့် crime thriller ဇာတ်လမ်းတွဲတစ်ခုမှာ ပါဝင်သရုပ်ဆောင်သွားနိုင်ဖွယ်ရှိနေပါတယ်။

◼ အမေရိကန်စာရေးဆရာ Kurt Vonnegut အကြောင်းကို Amazon Prime Video က Helltown ဆိုတဲ့ အပိုင်းရှစ်ပိုင်းပါ ဇာတ်လမ်းတွဲတစ်ခုအဖြစ်ဖန်တီးနေတာဖြစ်ပြီး Oscar Isaac ဟာ Kurt Vonnegut နေရာကနေပါဝင်ဖို့ ညှိနှိုင်းဆွေးနွေးနေကြောင်း Variety သတင်းအရသိရပါတယ်။

◼ Helltown ရဲ့ ဇာတ်လမ်းသဘောကတော့ ၁၉၆၉ မှာ အမျိုးသမီးနှစ်ယောက်အသတ်ခံရပြီးနောက်မှာ Kurt Vonnegut ဟာ အဲဒီလူသတ်မှုကိုလိုက်လံစုံစမ်းရာကနေ ကိုယ်တိုင်သံသယအဝင်ခံရတဲ့အကြောင်းကိုဇာတ်လမ်းယူထားတာပါ။

◼ Helltown ကို စာရေးဆရာ Casey Sherman ရဲ့ Helltown ဝတ္ထုကိုအခြေခံရိုက်ကူးထားမှာဖြစ်ပြီး ဇာတ်ညွှန်းဆရာနဲ့ showrunner နေရာကိုတော့ Mohamad El Masri က တာဝန်ယူထားပါတယ်။ အော်စကာဆုရရုပ်ရှင် All Quiet on the Western Front ရဲ့ ဒါရိုက်တာ Ed Berger နဲ့ Iron Man မင်းသားကြီး Robert Downey Jr. တို့ကနေ Executive Producer များအဖြစ် တာဝန်ယူထုတ်လုပ်သွားမှာပါ။

Ref: Variety

McGarrett ရေးသည်။