Bad Boys 4 မှာ Vanessa Hudgens လည်း ပြန်လည်ပါဝင်မယ်

Bad Boys 4 မှာ Vanessa Hudgens လည်း ပြန်လည်ပါဝင်မယ်

မတ် ၁၅၊ ၂၀၂၃။

◼ ပြီးခဲ့တဲ့ ဇန်နဝါရီ ၃၁ ရက်နေ့မှာ Bad Boys 4 ထပ်မံထွက်ရှိလာမှာဖြစ်ကြောင်းကို Will Smith နဲ့ Martin Laurence တို့က ၎င်းတို့ရဲ့တရားဝင် Instagram စာမျက်နှာတွေကနေတစ်ဆင့်အတည်ပြုပေးခဲ့တာဖြစ်ပါတယ်။

◼ သုံးကားမြောက် Bad Boys ရုပ်ရှင် Bad Boys For Life မှာ လက်နက်ကျွမ်းကျင်သူ Kelly အဖြစ် ပါဝင်ခဲ့တဲ့ Vanessa Hugdens ဟာလည်း Bad Boys 4 မှာ ပြန်လည်ပါဝင်လာမှာဖြစ်ကြောင်း Deadline သတင်းအရ အတည်ပြုနိုင်ခဲ့ပါတယ်။

◼ Vanessa Hudgens ဟာ Spring Breakers, Tick, Tick…Boom စတဲ့ ရုပ်ရှင်တွေအပြင် Powerless ဇာတ်လမ်းတွဲမှာလည်း ပါဝင်ထားပါသေးတယ်။

◼ Bad Boy For Life အပြီးမှာ ပရိသတ်တွေက Will Smith နဲ့ Martin Laurence တို့ရဲ့ အတွဲညီညီသရုပ်ဆောင်မှုတွေကို နောက်တစ်ကြိမ်မြင်တွေ့ချင်နေကြတာပါ။

◼ Sony ရဲ့ Bad Boys ဟာ Bad Boys, Bad Boys 2 နဲ့ Bad Boys For Life ဆိုပြီး သုံးကားထွက်ရှိထားသလို ရုံတင်ငွေစုစုပေါင်း ကန်ဒေါ်လာ သန်း ၈၄၀ ကျော်အထိ ရရှိထားပါတယ်။

◼ Bad Boys 4 ကို ယခင် Bad Boys For Life ရဲ့ ဒါရိုက်တာတွေဖြစ်ကြတဲ့ Adil El Arbi နဲ့ Bilall Fallah တို့ကပဲ ဆက်လက်တာဝန်ယူသွားမှာဖြစ်ပြီး ဇာတ်လမ်းကိုတော့ Chris Bremner က ရေးသားပေးထားသလို pre-production အနေအထားမှာရှိနေပြီဖြစ်ပါတယ်။

◼ ပြသရက်နဲ့ဇာတ်လမ်းအကျဥ်းကိုတော့မသိရသေးပါဘူး။

Ref: Deadline

McGarrett ရေးသည်။