ရိုက်ကူးရေးပြီးစီးသွားပြီဖြစ်တဲ့ Good Omens Season 2

ရိုက်ကူးရေးပြီးစီးသွားပြီဖြစ်တဲ့ Good Omens Season 2

မတ် ၁၅၊ ၂၀၂၃။

◼ အချိန်အကြာကြီး စောင့်စားခဲ့ရတဲ့ နာမည်ကျော် Amazon Prime Video ဇာတ််လမ်းတွဲ Good Omens ရဲ့ Season 2 အတွက် ရိုက်ကူးရေးလုပ်ငန်းဟာ နောက်ဆုံးမှာတော့ ပြီးစီးသွားခဲ့ပါပြီ လို့ Good Omens ရဲ့ Program Creator တစ်ဦးဖြစ်သူ Neil Gaiman က ပရိသတ်တွေဆီိကို သတင်းပါးခဲ့ပါတယ်။

◼ Good Omens Season 2 ဟာ ရိုက်ကူးရေးပြီးစီးလို့ Prime Video ကို မကြာတော့တဲ့ အချိန်အတွင်းမှာ ရောက်ရှိတော့မှာဖြစ်ပေမယ့် ကြားထဲမှာ လုပ်စရာ အဆင့် အဆင့်လေးတွေရှိသေးလို့ Season 2 ရဲ့ ပြသရက်ကို အတိအကျ မပြောနိုင်သေးဘူးလို့ Neil Gaiman က ဆိုပါတယ်။

◼ Neil Gaiman ဆိုတာ masterpiece တွေဖြစ်တဲ့ The Sandman, Coraline, Sandman နဲ့ American Gods ဆိုတဲ့ စာအုပ်တွေကို ရေးသားခဲ့သူဖြစ်ပြီး ဒီစာအုပ်တွေကို ရုပ်ရှင်အဖြစ် ဖန်တီး ရိုက်ကူးတော့လည်း ခမ်းနားတဲ့ အောင်မြင်မှုတွေကို သိမ်းပိုက်နိုင်ခဲ့ပါတယ်။

◼ ယခု Good Omens ရုပ်ရှင်ကလည်း သူနဲ့ Terry Pratchett တို့ ပူးတွဲရေးသားထားတဲ့ ၁၉၉၀ ခုနှစ် တုန်းက ထွက်ရှိခဲ့တဲ့ Good Omens စာအုပ်ကို အခြေခံထားတာဖြစ်ပြီး ဇာတ်လမ်းတွဲအဖြစ် ဖန်တီးတဲ့အခါမှာလည်း Neil Gaiman က Program Creator အဖြစ် ပါဝင်ထားတာပါ။

◼ ၂၀၁၉ ခုနစ်မှာ Prime Video ကနေ ထွက်ရှိခဲ့တဲ့ Good Omens ဟာ ကနဦးတုန်းက Limited Series အဖြစ် သတ်မှတ်ခဲ့ပေမယ့် ပရိသတ်တွေရဲ့ အားပေးမှုတွေက မျှော်မှန်းတာထက်ပိုတာကြောင့် Season 2 ထွက်ရှိဖို့ ဖြစ်လာခဲ့တာပါ။

◼ ဒီရုပ်ရှင်က တမန်တော်နဲ့ နတ်ဆိုး တို့က နှစ်ဦးက ကမ္ဘာကို ကမ္ဘာပျက်ကိန်းတွေ ရန်ကနေ ပူးပေါင်းကာကွယ်ကြတဲ့ အကြောင်းကို ရိုက်ကူးထားတာပဲ ဖြစ်ပါတယ်။ Good Omens ကို လူတွေပိုစိတ်ဝင်စားကြတဲ့ အချက်က ကောင်းမှုနဲ့ မကောင်းမှုကို ​ကိုယ်စားပြုတဲ့ တမန်တော်နဲ့ နတ်ဆိုးတို့က သူငယ်ချင်းတွေဖြစ်နေကြတဲ့ အကြောင်း ကြောင့်ပါ။

◼ Good Omens ထဲမှာ တမန်တော် Aziraphale အဖြစ် Michael Sheen နဲ့ နတ်ဆိုး Crowley အဖြစ် David Tennant တို့က အဓိက ပါဝင်သရုပ်ဆောင်ထားကြပါတယ်။

Ref: ScreenRant

Loki ရေးသည်။