Fantastic Four ရုပ်ရှင်အတွက် ဇာတ်ညွှန်းဆရာအပြောင်းအလဲများပြုလုပ်

Fantastic Four ရုပ်ရှင်အတွက် ဇာတ်ညွှန်းဆရာအပြောင်းအလဲများပြုလုပ်

Marvel | ဧပြီ ၁၊ ၂၀၂၃။

◼ Marvel Cinematic Universe ရဲ့ ၃၈ ကားမြောက်ရုပ်ရှင်ဖြစ်သလို Phase 6 အတွက် ပထမဆုံးရုပ်ရှင်လည်းဖြစ်တဲ့ Fantastic Four ဟာ ဖေဖော်ဝါရီ ၁၄၊ ၂၀၂၅ မှာ ရုံတင်ပြသမှာဖြစ်ပါတယ်။

◼ Fantastic Four ရုပ်ရှင်ဟာ Marvel Comic Superhero အဖွဲ့ The Fantastic Four ကို ဇာတ်အိမ်တည်ရိုက်ကူးသွားမှာဖြစ်ပါတယ်။ The Fantastic Four ကို Stan Lee နဲ့ Jack Kirby က ပူးတွဲဖန်တီးခဲ့တာဖြစ်ပြီး ၁၉၆၁၊ နိုဝင်ဘာလထုတ် The Fantastic Four #1 မှာ စတင်မိတ်ဆက်ခဲ့ပါတယ်။ The Fantastic Four အဖွဲ့မှာ Mister Fantastic aka Reed Richard, Invisible Woman aka Sue Storm-Richard, Human Torch aka Johnny Storm နဲ့ The Thing aka Ben Grimm တို့ ပါဝင်ပါတယ်။

◼ မူလက The Fantastic Four ရုပ်ရှင်ကို Jeff Kaplan နဲ့ Ian Springer က ဇာတ်ညွှန်းရေးသားပေးနေတာဖြစ်ပေမယ့်လည်း ယခုအခါမှာတော့ Snowpiercer ဇာတ်လမ်းတွဲ၊ Avatar: The Way of Water, Kingdom of the Planet of the Apes, Avatar 3 တို့ရဲ့ ဇာတ်ညွှန်းဆရာ Josh Friedman ကနေ ဆက်လက်တာဝန်ယူရေးသားပေးသွားမှာဖြစ်ကြောင်း Deadline သတင်းအရသိရပါတယ်။ ဇာတ်ညွှန်းဆရာအပြောင်းအလဲရှိပေမယ့်လည်း ဒါရိုက်တာကတော့ အပြောင်းအလဲမရှိပဲ WandaVision ဒါရိုက်တာ Matt Shakman ကနေပဲ ရိုက်ကူးပေးသွားမှာပါ။

◼ သို့ပေမယ့်လည်း Fantastic Four နဲ့ ပတ်သက်ပြီး ပါဝင်မယ့်သရုပ်ဆောင်တွေကိုတော့ ယနေ့အထိထုတ်ပြန်ကြေညာခြင်းမရှိသေးပါဘူး။

◼ ပြီးခဲ့တဲ့ရက်ပိုင်းကလည်း ဇူလိုင်၊ ၂၀၂၄ မှာ ပြသမယ့် MCU Marvel ရုပ်ရှင် Thunderbolts မှာလည်း ဇာတ်ညွှန်းဆရာ အပြောင်းအလဲရှိခဲ့ပါတယ်။ Thunderbolts ရဲ့ ဇာတ်ညွှန်းကို မူလဇာတ်ညွှန်းဆရာ Eric Pearson အစာ Netflix ရုပ်ရှင် Beef ရဲ့ ဇာတ်ညွှန်းဆရာ Lee Sung Jin နဲ့ အစားထိုးခဲ့ပါတယ်။ Lee Sung Jin ရေးသားခဲ့တဲ့ Beef ရုပ်ရှင်မှာ Thunderbolts သရုပ်ဆောင် Steven Yeun လည်း ပါဝင်ခဲ့ပါသေးတယ်။ 

◼ Marvel Cinematic Universe ရဲ့ ၃၅ ကားမြောက်ရုပ်ရှင် Thunderbolts ကို ဇူလိုင် ၂၆၊ ၂၀၂၄ မှာ ပြသမှာဖြစ်ပြီး ဒါရိုက်တာ Jake Schreier က တာဝန်ယူရိုက်ကူးမှာဖြစ်ပါတယ်။

◼ Thunderbolts အဖွဲ့ကို ၁၉၉၇၊ ဇန်နဝါရီလထုတ် The Incredible Hulk (vol. 2) #449 မှာ စတင်မိတ်ဆက်ခဲ့တာဖြစ်ပြီး ရုပ်ရှင်မှာတွေ့ရမယ့် Thunderbolts တွေကတော့ Red Guardian, Ghost, US Agent, Taskmaster, Yelena, Contessa Valentina Allegra de Fontaine နဲ့ The Winter Soldier တို့ ဖြစ်ပါတယ်။ 

◼ Thunderbolts ဟာ MCU Phase 5 ရုပ်ရှင်ဖြစ်ပြီး Black Widow နဲ့ Captain America: New World Order အပြီးကို ဇာတ်အိမ်တည်ထားတာဖြစ်ပါတယ်။ 

◼ David Harbour က Red Guardian အဖြစ်၊ Hannah John-Kamen က Ghost အဖြစ်၊ Wyatt Russell က US Agent အဖြစ်၊ Olga Kurylenko က Taskmaster အဖြစ်၊ Florence Pugh က Yelena Belova အဖြစ်၊ Julia Louis-Dreyfus က Contessa Valentina Allegra de Fontaine အဖြစ် နဲ့ Sebastian Stan က Bucky Barnes aka The Winter Soldier အဖြစ် သရုပ်ဆောင်ကြမယ့်အပြင် Indiana Jones မင်းသား Harrison Ford ကိုလည်း အေးဂျင့် Thunderbolt Ross တွေ့ရဦးမှာပါ။

Ref: Deadline 

McGarrett ရေးသည်။