Harley Quinn သီချင်းဆိုတာကိုတွေ့ရနိုင်တဲ့ Joker: Folie à Deux

Harley Quinn သီချင်းဆိုတာကိုတွေ့ရနိုင်တဲ့ Joker: Folie à Deux

DC | ဧပြီ ၁၊ ၂၀၂၃။

◼ မကြာသေးတဲ့ရက်ပိုင်းကပဲ DC ရုပ်ရှင် Joker: Folie à Deux ရဲ့ ရိုက်ကွင်းနောက်ကွယ်က ပုံတစ်ချို့ ထွက်ရှိလာသလို အဲဒီပုံထဲမှာ Lady Gaga ကို Harley Quinn ပုံစံ နဲ့ တွေ့ရသလို Joker ကို ဝတ်စုံအပြည့်နဲ့ မြင်ရပြန်ပါသေးတယ်။

◼ ထွက်ရှိလာတဲ့ Harley Quinn ပုံတွေက ရဲတွေရဲ့ ဖမ်းဆီးခြင်းခံထားရတဲ့ ပုံတွေဖြစ်သလို အပြင်ဘက်မှာလည်း လာရောက်ဝန်းရံသူတွေနဲ့ စည်ကားနေတဲ့အပြင် ရုန်းရင်းဆန်ခတ်ဖြစ်နေတာကို တွေ့ရပါတယ်။

◼ ဆက်လက်ပြီး ထွက်ရှိလာတဲ့သတင်းအရ Joker: Folie à Deux ရုပ်ရှင်ထဲမှာ Harley Quinn သီချင်းဆိုတာကိုပါ မြင်တွေ့နိုင်တယ်လို့ သိရပါတယ်။

◼ Joker ရုပ်ရှင်အကြောင်းကို တင်ဆက်နေတဲ့ Twitter Account @jokerfolienews က Joker Sequel ရဲ့ ရိုက်ကွင်းမှာ လူမမြင်ရပေမယ့် အမျိုးသမီးတစ်ယောက် သီချင်းဆိုနေတဲ့ video တစ်ခုကို တင်ခဲ့ပါတယ်။

◼ Joker: Folie à Deux ရုပ်ရှင်ရဲ့ အမျိုးအစားကလည်း musical psychological thriller ဖြစ်တာမို့လိ့ ရုုပ်ရှင်ပရိသတ်တွေက ဒီအသံက Harley Quinn ရဲ့ ဇာတ်ဝင်ခန်းအတွက် Lady Gaga က သီချင်းဆိုနေတာဖြစ်နိုင်တယ်လို့ မှတ်ချက်ပေးနေကြပါတယ်။

◼ Joker: Folie á Deux ကို အောက်တိုဘာ ၄၊ ၂၀၂၄ မှာ ရုံတင်သွားမှာပါ။

Ref: ScreenRant

Loki ရေးသည်။