၈၀ ကြိမ်မြောက် ဗင်းနစ်စ်ရုပ်ရှင်ပွဲတော်မှာ Golden Lion ဆု ချီးမြှင့်ခံရမယ့် Tony Leung

၈၀ ကြိမ်မြောက် ဗင်းနစ်စ်ရုပ်ရှင်ပွဲတော်မှာ Golden Lion ဆု ချီးမြှင့်ခံရမယ့် Tony Leung

မတ် ၃၀၊ ၂၀၂၃။

◼ ဟောင်ကောင်ရုပ်ရှင်လောကရဲ့ နာမည်ကျော်သရုပ်ဆောင်တစ်ယောက်ဖြစ်တဲ့ Tony Leung ဟာ လာမယ့် သြဂုတ်လထဲမှာကျင်းပမယ့် ၈၀ ကြိမ်မြောက် ဗင်းနစ်စ်ရုပ်ရှင်ပွဲတော်မှာ တစ်သက်တာထူးချွန်ဆုချီးမြှင့်ခံရတော့မှာဖြစ်ပါတယ်။

◼ ဗင်းနစ်စ်ရုပ်ရှင်ပွဲတော်ဟာ အီတလီနိုင်ငံ၊ ဗင်းနစ်စ်မြို့မှာ နှစ်စဥ်ကျင်းပနေကျ ကမ္ဘာ့သက်တမ်းအရင့်ဆုံးရုပ်ရှင်ပွဲတော်တစ်ခုဖြစ်ပြီး Goldien Lion, Silver Lion, Volpi Cup နဲ့ တခြားထူးချွန်ဆုတွေကိုလည်းချီးမြှင့်လေ့ရှိပါတယ်။

◼ Tony Leung ရရှိခဲ့တဲ့ တစ်သက်တာထူးချွန်ဆုကတော့ အမြင့်ဆုံး Goldien Lion ဆု ဖြစ်ပါတယ်။ 

◼ ၈၀ ကြိမ်မြောက် ဗင်းနစ်စ်ရုပ်ရှင်ပွဲတော်ကို သြဂုတ် ၃၀၊ ၂၀၂၃ ကနေ စက်တင်ဘာ ၉၊ ၂၀၂၃ အထိ ကျင်းပသွားမှာပါ။

◼ Tony Leung ဟာ ၁၉၈၂ မှာ ရုပ်ရှင်လောကထဲကို စတင်ဝင်ရောက်လာတာဖြစ်ပြီး 2046, In the Mood for Love, Chungking Express စတဲ့ လက်ရာမြောက်ရုပ်ရှင်ကားတွေအပြင် Marvel ရုပ်ရှင်တစ်ကားဖြစ်တဲ့ Shang-Chi and the Legend of Ten Rings မှာလည်း ပါဝင်သရုပ်ဆောင်ခဲ့ပါတယ်။

Ref: South China Morning Post

Sub-Zero ရေးသည်။