Robert Downey Jr. ရဲ့ ပီကေဝါးဖတ်ကို eBay မှာ လေလံတင် ရောင်းချနေ
မတ် ၃၀၊ ၂၀၂၃။
◼ ဖတ်တာ မမှားပါဘူး။ MCU ရဲ့ Iron Man သရုပ်ဆောင် Robert Downey Jr. ရဲ့ ပီကေဝါးဖတ်ကို အွန်လိုင်းစျေးကွက်တစ်ခုဖြစ်တဲ့ eBay မှာ တကယ်ကြီးလေလံတင်ရောင်းချနေတာဖြစ်ပါတယ်။
◼ Iron Man ရုပ်ရှင်ရဲ့ ဒါရိုက်တာလည်းဖြစ်သလို MCU တစ်လျှောက်လုံးမှာ Happy Horgan အဖြစ် ပါဝင်ခဲ့တဲ့ Jon Favreau က ၂၀၂၃ ခုနှစ် ဖေဖော်ဝါရီလတုန်းက Hollywood ရဲ့ Walk Of Fame ကို ရရှိခဲ့ပါတယ်။
◼ ဆုလက်ခံတဲ့ အခမ်းအနား ကျင်းပတဲ့အခါမှာတော့ Robert Downey Jr. လည်း တက်ရောက်ခဲ့ပြီး Robert Downey Jr. က စနောက်တဲ့အနေနဲ့ သူဝါးနေတဲ့ ပီကေကို ထွေးထုတ်ပြီး Jon Favreau ရဲ့ ကြယ်ပေါ်ကို ကပ်ထားခဲ့ပါတယ်။
◼ အဲဒီပီကေဝါးဖတ်အပိုင်းလေးကို လူတစ်ယောက်က ယူသွားခဲ့ပြီးနောက် eBay မှာ လေလံတင်ရောင်းချနေပြီး ကြမ်းခင်းစျေးက ကန်ဒေါ်လာ လေးသောင်းကျော်ဖြစ်ပေမယ့်လည်း အခုဆိုရင် ဒီပီကေရဲ့ တန်ဖိုးက ကန်ဒေါ်လာ ငါးသောင်းကျော်ထိ ရောက်နေပြီ ဖြစ်ပါတယ်။
◼ Robert Downey Jr. ရဲ့ ပီကေဝါးဖတ်ကို ရောင်းချနေသူက "နာမည်ကြီး မင်းသားနဲ့ ထုတ်လုပ်သူလည်းဖြစ်တဲ့ Jon Favreau ရဲ့ Hollywood Walk of Fame ရတဲ့ အခမ်းအနားကျင်းပတုန်းက ကျွန်တော်က အဲဒီနေရာကို ရောက်သွားတယ်။ ပွဲအတွင်းမှာ Robert Downey Jr ကိုယ်တိုင်က သူ့ရဲ့ ပီကေကို ကြယ်ပေါ်မှာ မှာ ကပ်ပြီးထားခဲ့လို့ ကျွန်တော် အဲ့ဒါကို ယူလာခဲ့ပါတယ်။ အဲ့ပီကေကို ကျွန်တော် ရခဲ့တဲ့ အခြေအနေအတိုင်းရောင်းနေပြီး Robert Downey Jr. ရဲ့ DNA စစ်မစစ်ကိုလည်း စစ်ဆေးနိုင်ပါတယ်" လို့ပြောထားပါတယ်။
Ref: ComicBook
Loki ရေးသည်။
0 Comments