Hollywood ကနေ ထပ်ပြီးအနားယူဦးမယ့် Cameron Diaz
မတ် ၂၂၊ ၂၀၂၃။
◼ ၉၀ ခုနှစ်နှောင်းပိုင်းနဲ့ ၂၀၀၀ ခုနှစ်အစောပိုင်းကာလတွေမှာ နာမည်ကြီးခဲ့တဲ့ ဟောလိဝုဒ်မင်းသမီးတစ်လက်ဖြစ်တဲ့ Cameron Diaz ဟာ ရုပ်ရှင်လောက ကနေ ကာလတစ်ခုအထိအနားယူခဲ့ပြီးနောက်မှာ Netflix ရုပ်ရှင် Back in Action မှာ ပြန်လည်ပါဝင်လာခဲ့ပြီဖြစ်ပါတယ်။
◼ ဒီလိုပြန်လည်ပါဝင်လာတာဟာ သူငယ်ချင်းဖြစ်သူ Jamie Foxx ရဲ့ တိုက်တွန်းမှုကြောင့်ဖြစ်ပြီး ယခုအခါမှာတော့ Cameron Diaz ဟာ Back in Action ရိုက်ကူးရေးပြီးသွားတဲ့အခါမှာ ရုပ်ရှင်လောကကို ထပ်ပြီးစွန့်ခွာသွားမယ့်သဘောမှာရှိနေပါတယ်။
◼ Daily Mail UK သတင်းအရ Back in Action အတွက် Cameron Diaz ဟာ တစ်ရက်ကို ဆယ်နာရီဝန်းကျင် အလုပ်လုပ်နေရတာဖြစ်ပြီး သမီးဖြစ်သူ Reddix ကို အချိန်မပေးနိုင်တဲ့အတွက် သဘောမကျဖြစ်နေကြောင်းသိရပါတယ်။ အဆိုပါသတင်းကို Cameron Diaz နဲ့ နီးစပ်သူတစ်ဦးကပေးပို့လာတာပါ။
◼ Cameron Diaz ဘက်ကတော့ ဒီအကြောင်းအရာနဲ့ပတ်သက်ပြီး တရားဝင်အတည်ပြုထားခြင်းမရှိသေးပါဘူး။ Cameron Diaz ဟာ Charlie's Angels ရုပ်ရှင်တွေအပြင် The Mask, Bad Teacher, Knight and Day, Shrek, Gangs of New York စတဲ့ ရုပ်ရှင်တွေမှာ ပါဝင်ခဲ့ဖူးပါတယ်။
Ref: CBR
McGarrett ရေးသည်။
0 Comments