စူပါဟီးရိုးရုပ်ရှင်တွေကို လက်ရှောင်မယ့် Shazam ဒါရိုက်တာ David F. Sandberg

စူပါဟီးရိုးရုပ်ရှင်တွေကို လက်ရှောင်မယ့် Shazam ဒါရိုက်တာ David F. Sandberg

မတ် ၂၂၊ ၂၀၂၃။

◼ ဒါရိုက်တာ David F. Sandberg ရဲ့ ဒုတိယမြောက် Shazam ရုပ်ရှင် Shazam!: Fury of the Gods ဟာ မတ် ၁၇ မှာ စတင်ရုံတင်ပြသနေတာဖြစ်ပြီး လက်ရှိမှာ ရုံတင်ငွေ ကန်ဒေါ်လာ ၆၄ သန်းကျော်သာ ရရှိနေတာဖြစ်ပါတယ်။ ရုပ်ရှင်အရမှာလည်း Rotten Tomatoes မှာ Critics Score ၅၁ ရာခိုင်နှုန်း နဲ့ Audience Score ၈၇ ရာခိုင်နှုန်း၊ CinemaScore B+ အဆင့်သာ ရရှိထားပါတယ်။

◼ David F. Sandberg ရဲ့ ပထမ Shazam ရုပ်ရှင်ဖြစ်တဲ့ Shazam! ကတော့ Rotten Tomatoes မှာ Critics Score ၉၀ ရာခိုင်နှုန်း နဲ့ Audience Score ၈၂ ရာခိုင်နှုန်း၊ CinemaScore A အဆင့်အထိ ရရှိခဲ့ပါတယ်။

◼ ဒီလိုမျိုး ရလဒ်အဆိုးတွေထွက်ပေါ်နေတဲ့အတွက် ဒါရိုက်တာ David F. Sandberg ဟာ ၎င်းရဲ့အထင်အမြင်နဲ့ အနာဂတ်မှာ ဘယ်လိုရုပ်ရှင်တွေကိုဆက်လက်ရိုက်ကူးမလဲဆိုတာကို မတ်လ ၂၀ ရက်နေ့မှာ ၎င်းရဲ့ တရားဝင် Twitter စာမျက်နှာကနေတစ်ဆင့် အခုလိုရေးသားလာပါတယ်။

"Rotten Tomatoes မှာ ရုပ်ရှင်တစ်ကားတည်းနဲ့ အနိမ့်ဆုံးအဆင့်ရော၊ အမြင့်ဆုံးအဆင့်ပါရခဲ့ပါတယ်။ ပထမကားလိုမျိုး ရုပ်ရှင်အရအောင်မြင်သွားမယ်လို့တော့မထင်ထားပါဘူး။ ဒါပေမယ့် နည်းနည်းတော့အံ့သြသွားတယ်။ ဒီကားလည်းတကယ်ကောင်းတဲ့ရုပ်ရှင်ပါပဲ။ ကျွန်တော်ပြောဖူးသလိုမျိုး အခုတော့ horror ဘက်ကိုပြန်သွားဦးမယ်၊ တခြားအမျိုးအစားသစ်တွေကိုလည်း ကျွန်တော်လုပ်ကြည့်ချင်တယ်။ Shazam အတွက် ခြောက်နှစ်အချိန်ပေးခဲ့ပြီးပြီဆိုတော့ အခု စူပါဟီးရိုးကားတွေနဲ့ကိစ္စပြီးပြီပေါ့ဗျာ။"

◼ Shazam! Fury of the Gods ဟာ ရုံတင်ပြီး ရက်သုံးဆယ်ကျော်အကြာ ဧပြီ ၁၈၊ ၂၀၂၃ မှာ Digital Release အကြည်ထွက်လာမှာပါ။

◼ David F. Sandberg ဟာ နာမည်ကြီး horror ရုပ်ရှင်နှစ်ကားဖြစ်တဲ့ Lights Out နဲ့ Annabelle: Creation တို့ကို ရိုက်ကူးခဲ့ပါတယ်။

Ref: Variety

McGarrett ရေးသည်။