Rush Hour 4 အ​ကြောင်း Chris Tucker ဘာပြောလဲ

Rush Hour 4 အ​ကြောင်း Chris Tucker ဘာပြောလဲ

မတ် ၂၂၊ ၂၀၂၃။

◼ သရုပ်ဆောင် Jackie Chan နဲ့ Chris Tucker တို့ ဟာသအက်ရှင်ရုပ်ရှင်တွေဖြစ်တဲ့ Rush Hour သုံးကားတွဲဟာ ပရိသတ်တွေကြားမှာအောင်မြင်မှုများစွာရရှိခဲ့ပါတယ်။

◼ ပြီးခဲ့တဲ့ ၂၀၂၂ ဒီဇင်ဘာလထဲမှာ ဆော်ဒီအာရေဗျနိုင်ငံမှာကျင်းပခဲ့တဲ့ Red Sea International Film Festival မှာ သရုပ်ဆောင် Jackie Chan ဟာ Rush Hour 4 ထပ်မံထွက်ရှိမှာဖြစ်ကြောင်း တရားဝင်အတည်ပြုပေးခဲ့ပါတယ်။

◼ Chris Tucker ဟာ Billy Lynn's Long Halftime Walk ရုပ်ရှင်အပြီး ငါးနှစ်ကျော်အကြာမှာ Ben Affleck နဲ့ Matt Damon တို့ရဲ့ Air Jordan ရုပ်ရှင် Air နဲ့ ရုပ်ရှင်လောကထဲကို ပြန်လည်ဝင်ရောက်လာတာဖြစ်ပါတယ်။

◼ Air ရုပ်ရှင်နဲ့ပတ်သက်ပြီး Variety သတင်းဌာနနဲ့ ပရိုမိုးရှင်းအင်တာဗျူးတစ်ခုမှာ Chris Tucker က Rush Hour 4 နဲ့ ပတ်သက်ပြီး ၎င်းရဲ့အထင်အမြင်ကိုပြောပြလာပါတယ်။ Jackie Chan နဲ့ အလုပ်လုပ်ရတာကိုသဘောကျကြောင်းနဲ့ Rush Hour 4 ဟာ ပရိသတ်တွေမြင်တွေ့ရတဲ့ပုံစံမျိုးနဲ့မတူညီကြောင်းကို Chris Tucker က အခုလိုပြောလာပါတယ်။

"ခင်ဗျားတို့တွေ တကယ့်အကောင်းစားတွေကိုကြည့်ရတော့မှာ၊ ဒီထက်ပိုပြီးမြင့်တဲ့ပုံစံတွေပေါ့။ ကျွန်တော်လည်းအဲဒါမျိုးကိုကြိုက်တာ၊ ကျွန်တော်ရင်တောင်ခုန်တယ်။ Rush Hour 4 က ကျွန်တော်လုံးဝကိုပစ်ဝင်ပစ်မယ့်ရုပ်ရှင်မျိုးပါပဲ၊ Jackie နဲ့ အလုပ်လုပ်ရတာကိုသဘောကျတယ်။ ကျွန်တော့်မှာချပြစရာအသစ်တွေရှိတယ်၊ ခင်ဗျားတို့ကြိုက်ကြမှာပါ။"

◼ Rush Hour 4 ဟာ လက်ရှိမှာ ဇာတ်လမ်းပြင်ဆင်တည်ဆောက်ဆဲအနေအထားမှာရှိနေပါသေးတယ်။

◼ Rush Hour ရုပ်ရှင်တွေရဲ့ ဒါရိုက်တာ Brett Retnar ဟာ လိင်ပိုင်းဆိုင်ရာစော်ကားမှုတွေကိုပြုလုပ်ခဲ့တယ်ဆိုပြီး ၂၀၁၇ မှာ Olivia Munn, Natasha Henstridge, နဲ့ Elliot Page အပါအဝင် သရုပ်ဆောင် ၆ ဦးရဲ့ စွပ်စွဲမှုကိုခံခဲ့ရပါတယ်။ အဲဒီစွဲချက်ကြောင့်ပဲ Rush Hour ရဲ့ ဖြန့်ချိရေးကုမ္ပဏီ Warner Bros. က Brett Retnar နဲ့ လက်တွဲဖြုတ်ခဲ့တဲ့အတွက် Rush Hour 4 ကို တခြားဒါရိုက်တာနဲ့ ရိုက်ကူးဖွယ်ရှိနေပါတယ်။

Ref: Variety

McGarrett ရေးသည်။