ပွဲထွက်ရလဒ်အလွန်ကောင်းနေတဲ့ Michael B. Jordan ရဲ့ Creed III

ပွဲထွက်ရလဒ်အလွန်ကောင်းနေတဲ့ Michael B. Jordan ရဲ့ Creed III

မတ် ၃၊ ၂၀၂၃။

◼ Michael B. Jordan ကိုယ်တိုင် ဒါရိုက်တာအဖြစ် တာဝန်ယူရိုက်ကူးထားတဲ့ သုံးကားမြောက် Creed ရုပ်ရှင် Creed III ဟာ အမေရိကန်အပါအဝင် ကမ္ဘာ့နိုင်ငံအများအပြားက ရုပ်ရှင်ရုံစုစုပေါင်းလေးထောင်ကျော်မှာ ဒီက​နေ့မှာပဲ ရုံတင်ပြသနေပြီဖြစ်ပါတယ်။

◼ Creed III ရဲ့ အဖွင့်ရုံတင်ငွေပမာဏဟာ ကန်ဒေါ်လာ ၃၈ သန်းကနေ သန်း ၄၀ အထိရရှိဖွယ်ရှိနေပါတယ်။ Creed ကတော့ အဖွင့်ရုံတင်ငွေ ကန်ဒေါ်လာ ၂၉ သန်းနဲ့ Creed II ကတော့ အဖွင့်ရုံတင်ငွေ ကန်ဒေါ်လာ ၃၁ သန်း အသီးသီးရခဲ့ပါတယ်။

◼ ရုပ်ရှင်ဝေဖန်ရေးရလဒ်အရကတော့ Creed III ဟာ CinemaScore A အဆင့်၊ Rotten Tomates မှာ Critics Score ၈၇ ရာခိုင်နှုန်းနဲ့ Audience Score ၉၆ ရာခိုင်နှုန်း ရရှိနေပါတယ်။

◼ Creed III မှာ Adonis Creed ဟာ သူငယ်ချင်းဖြစ်သူ Damien Anderson နဲ့ ထိူးသတ်ရမှာဖြစ်ပြီး Damien Anderson အဖြစ် Jonathan Majors က ပါဝင်သရုပ်ဆောင်ထားပါတယ်။

◼ Creed III ကို ပြင်သစ်နိုင်ငံကရုပ်ရှင်ရုံတစ်ခုမှာ ရုံတင်နေစဥ်မှာ လာရောက်ကြည့်ရှုတဲ့ပရိသတ်တွေထဲကနှစ်ယောက်ဟာ ခိုက်ရန်ဖြစ်ပွားပြီးအမှန်အကန်ထိုးသတ်ခဲ့တဲ့ဖြစ်စဥ်တစ်ခုပါဖြစ်ပွားခဲ့ပါသေးတယ်။

Ref: Internet

McGarrett ရေးသည်။