Michael Keaton ရဲ့ Batman ဟာ အမေရိကန်ရဲ့လူကြိုက်အများဆုံး Batman ဖြစ်လာ

Michael Keaton ရဲ့ Batman ဟာ အမေရိကန်ရဲ့လူကြိုက်အများဆုံး Batman ဖြစ်လာ

မတ် ၈၊ ၂၀၂၃။

◼ DC ရဲ့ နာမည်ကျော်ဇာတ်ကောင် Batman ကို သရုပ်ဆောင်ပေါင်းများစွာက သရုပ်ဆောင်ခဲ့ကြပေမယ့်လည်း လေ့လာချက်များအရ သရုပ်ဆောင် Michael Keaton ရဲ့ Batman ဟာ အမေရိကန်ရဲ့လူကြိုက်အများဆုံး Batman ဖြစ်နေကြောင်း သိရပါတယ်။ 

◼ Valencia Theater Seating ဆိုတဲ့ ရုပ်ရှင်အသုံးအဆောင်ကုမ္ပဏီတစ်ခုရဲ့စစ်တမ်းအရ Michael Keaton ရဲ့ Batman အကြောင်း Twitter ဖော်ပြချက်စုစုပေါင်းတစ်သိန်းခွဲအထိရှိခဲ့ပြီး အမေရိကန် Twitter အသုံးပြုသူတွေကြားမှာ အလွန်ရေပန်းစားနေကြောင်း သိရှိရပါတယ်။ Michael Keaton ရဲ့ Batman အပေါ် best Batman, best live-action Batman စသဖြင့် ချီးကျူးထားကြတာကိုတွေ့ခဲ့ရတာပါ။

◼ ဒါ့အပြင် Michael Keaton ရဲ့ Batman ကို အားပေးတဲ့ အမေရိကန်ပြည်နယ်စုစုပေါင်း ၂၃ ပြည်နယ်ရှိပြီး Christian Bale ရဲ့ Batman ကို အားပေးတဲ့ အမေရိကန်ပြည်နယ်ပမာဏကတော့ ၁၈ ပြည်နယ်အထိရှိနေပါတယ်။ အဲဒါကြောင့် အမေရိကန်ရဲ့အကြိုက်ဆုံး Batman စာရင်းမှာ Michael Keaton က အဆင့် ၁၊ Christian Bale က အဆင့် ၂၊ Ben Affleck က အဆင့် ၃ နဲ့ Robert Pattinson က အဆင့် ၄ ကိုယ်စီရှိနေပါတယ်။

◼ Michael Keaton ဟာ Batman အဖြစ် ၁၉၈၉ ရုပ်ရှင် Batman မှာ စတင်ပါဝင်ခဲ့တာဖြစ်ပြီး Batman Returns အပြင် လာမယ့် ဇွန် ၁၆၊ ၂၀၂၃ မှာ ပြသမယ့် The Flash ရုပ်ရှင်မှာလည်း Batman အဖြစ် ပါဝင်ထားပါသေးတယ်။

◼ ၁၉၈၉ ထုတ် Batman ကို ဒါရိုက်တာ Tim Burton က ရိုက်ကူးခဲ့တာဖြစ်ပြီး ဝါရင့်သရုပ်ဆောင် Jack Nicholson ကလည်း Joker အဖြစ် ပါဝင်ထားပါတယ်။

◼ Batman သရုပ်ဆောင်ပေါင်း ဆယ်ယောက်ကျော်ရှိတဲ့အထဲမှာ Michael Keaton ဟာ အမေရိကန်ရဲ့လူကြိုက်အများဆုံး Batman ဖြစ်လာတာပါ။

Ref: CBR

McGarrett ရေးသည်။