လက်ဝှေ့ကျော် Muhammad Ali အကြောင်း ဇာတ်လမ်းတွဲတစ်ခု ထုတ်လုပ်ပြသမယ်

လက်ဝှေ့ကျော် Muhammad Ali အကြောင်း ဇာတ်လမ်းတွဲတစ်ခု ထုတ်လုပ်ပြသမယ်

မတ် ၉၊ ၂၀၂၃။

◼ ကမ္ဘာကျော်လက်ဝှေ့သမားတစ်ယောက်ဖြစ်တဲ့ Muhammad Ali အကြောင်း ဇာတ်လမ်းတွဲတစ်ခုကို Peacock ကနေ ပြသဖို့စီစဥ်နေပါတယ်။

◼ အဲဒီ Muhammad Ali ဇာတ်လမ်းတွဲဟာ Excellence: 8 Fights လို့ အမည်ရပြီး စာရေးဆရာ Jonathan Eig ရဲ့ ဝတ္ထုတစ်အုပ်ဖြစ်တဲ့ Ali: A Life ဆိုတဲ့ ဝတ္ထုကို အခြေခံရိုက်ကူးသွားမှာဖြစ်ကြောင်း သိရပါတယ်။

◼ Excellence: 8 Fights ကို အပိုင်း ၈ ပိုင်း ပါဝင်မယ့် limited series အနေနဲ့ ထုတ်လုပ်သွားမှာဖြစ်ပြီး ဇာတ်လမ်းကိုတော့ Kevin Willmott က ရေးသားပေးသွားမှာပါ။ ဒါ့အပြင် Bridgerton သရုပ်ဆောင် Regé-Jean Page နဲ့ ဝါရင့်သရုပ်ဆောင် Morgan Freeman တို့က executive producer များအဖြစ် တာဝန်ယူထားပါတယ်။

◼ အပိုင်းတစ်ပိုင်းစီမှာ Muhammad Ali ရဲ့ နာမည်ကြီးပွဲစဥ်တစ်ခုစီကိုပြသမှာဖြစ်ပြီး ကြိုးဝိုင်းအပြင်ကဖြစ်ရပ်တွေကိုပါမြင်တွေ့ရမှာပါ။

◼ ပြသရက်နဲ့သရုပ်ဆောင်ကိုတော့မသိရသေးပါဘူး။

Ref: Variety

McGarrett ရေးသည်။