အချစ်ကဲလွန်းတဲ့အတွဲတွေကို Netflix တစ်ကွက်ပြလိုက်ပြီ

အချစ်ကဲလွန်းတဲ့အတွဲတွေကို Netflix တစ်ကွက်ပြလိုက်ပြီ

မတ် ၆၊ ၂၀၂၃။

◼ အောက်ဆီဂျင်မရှိပဲ နေနိုင်တယ်၊ မင်းမရှိရင်တော့ မနေနိုင်ဘူး ဆိုတဲ့သူတွေအတွက် Netflix ကနေ "Black Knight" Series ကို ယခုနှစ်ထဲမှာ ထုတ်လွှင့်ပေးသွားတော့မှာပါ။

◼ "Black Knight" series ဟာ Lee Yoon Kyun ရေးဆွဲတဲ့ Taekbaegisa ဆိုတဲ့ Webtoon ကို အခြေခံပြီး ရိုက်ကူးထားတာ ဖြစ်ပါတယ်။

◼ အပိုင်း ၆ပိုင်းပါဝင်မယ့် ဒီ Series ဟာ ၂၀၇၁ ခုနှစ် ကာလကို အခြေတည်ထားပြီး ကမ္ဘာကြီးမှာ လေထုညစ်ညမ်းမှုပမာဏများပြားလာမှုကြောင့် လူတွေက အသက်ရှု ကိရိယာမပါပဲ မနေလို့ မဖြစ်တော့တဲ့အထိ ခက်ခဲစွာ အသက် ရှင်သန်နေရတဲ့အကြောင်းကို ပုံဖော်ထားတာပါ။

◼ Cold Eyes, Master စတဲ့ နာမည်ကြီး ရုပ်ရှင်တွေကို ရိုက်ကူးခဲ့သူ ဒါရိုက်တာ Cho Ui Seok က တာဝန်ယူ ရိုက်ကူးထားတာဖြစ်ပြီး Song Seung-heon, Kim Woo-bin, Esom တို့အပါအဝင် အခြား နာမည်ကြီး တောင်ကိုရီးယား ရုပ်ရှင်သရုပ်ဆောင်တွေက ဒီရုပ်ရှင်မှာ ပါဝင်အားဖြည့်ထားပါသေးတယ်။

◼ 1899 နဲ့ Warrior Nun တို့ ဖျက်သိမ်းခဲ့တာကြောင့် မကျေမနပ်ဖြစ်နေကြတဲ့ ရုပ်ရှင်ပရိသတ်တွေက Netflix က ယခုလို series အသစ်ထွက်ရှိလာတဲ့အပေါ် လှောင်ပြောင်နေကြပြီး အသစ် အသစ်တွေ ထုတ်လွှင့်မယ့်အစား ဖျက်သိမ်းခဲ့တဲ့ Series တွေကို သာ ပြန်လည်ထုတ်လုပ်ဖို့ ဝေဖန်တိုက်တွန်းနေကြပါတယ်။

◼ Netflix ရဲ့ နာမည်ကျော် Series တစ်ခုဖြစ်တဲ့ Kingdom ဟာလည်း ၂၀၂၀ ခုနှစ် မှာ Season 2 ထွက်ရှိပြီးကတည်းက စူဠလိပ် ရေထဲလွှတ်သလို Season 3 နဲ့ ပတ်သက်တဲ့ ဘာသတင်းမှ မကြားရတော့ပဲ စုပ်စမြုပ်စ ဖြစ်နေပြီဖြစ်ပါတယ်။

Ref: Internet

Loki ရေးသည်။