ဗန်ပိုင်းယားရုပ်ရှင်သစ် Nosferatu မှာ Aaron Taylor-Johnson လည်း ပါဝင်လာ

ဗန်ပိုင်းယားရုပ်ရှင်သစ် Nosferatu မှာ Aaron Taylor-Johnson လည်း ပါဝင်လာ

မတ် ၅၊ ၂၀၂၃။

◼ ၁၉၂၂ က ထွက်ရှိခဲ့တဲ့ gothic ဗန်ပိုင်းယားရုပ်ရှင်တစ်ကားဖြစ်တဲ့ Nosferatu ကို The Northman နဲ့ The Lighthouse ဒါရိုက်တာ Robert Eggers က remake ရုပ်ရှင်တစ်ကားအဖြစ် ပြန်လည်ရိုက်ကူးသွားမှာဖြစ်ပါတယ်။

◼ Nosferatu ရုပ်ရှင်မှာ The Menu သရုပ်ဆောင် Nicholas Hoult, Johnny Depp ရဲ့ သမီးဖြစ်သူ Lily-Rose Depp, It သရုပ်ဆောင် Bill Skarsgård, The Crown သရုပ်ဆောင် Emma Corrin နဲ့မင်းသားကြီး Willem Dafoe တို့ ပါဝင်ထားပြီးဖြစ်သလို ယခုအခါမှာတော့ Bullet Train နဲ့ Kick-Ass သရုပ်ဆောင် Aaron Taylor-Johnson ပါ ပါဝင်လာပြီဖြစ်ပါတယ်။

◼ ဒါရိုက်တာ Robert Eggers ဟာ Nosferatu remake ကို ဇာတ်ညွှန်းပါကိုယ်တိုင်ရေးသားထားတာဖြစ်ပါတယ်။ 

◼ Nosferatu ဟာ ၁၉ရာစုကာလကိုဇာတ်အိမ်တည်မှာဖြစ်ပြီး ဗန်ပိုင်းယားတစ်ကောင်က အမျိုးသမီးငယ်တစ်ယောက်နောက်ကို လိုက်လံချဥ်းကပ်တဲ့အကြောင်း ဇာတ်အိမ်တည်သွားမှာဖြစ်ပါတယ်။ Lily-Rose Depp ​က ဗန်ပိုင်းယားအလိုက်ခံရတဲ့မိန်းကလေးအဖြစ်ပါဝင်မှာဖြစ်ပြီး Bill Skarsgård ကတော့ ဗန်ပိုင်းယားအဖြစ်ပါဝင်သွားမှာပါ။ Aaron Taylor-Johnson ရဲ့ ဇာတ်ကောင်ကိုတော့ ကြေငြာထားခြင်းမရှိသေးပါဘူး။

◼ Nosferatu remake ရဲ့ ပြသရက်ကိုတော့မသိရသေးပေမယ့်လည်း လက်ရှိမှာတော့ Nosferatu remake ကို ချက်သမ္မတနိုင်ငံ၊ Prague မြို့တော်မှာ ရိုက်ကူးရေးပြုလုပ်နေပါတယ်။

Ref: Deadline

McGarrett ရေးသည်။