ကိုးကားမြောက် Alien ရုပ်ရှင် အကြောင်း နောက်ဆုံးရသတင်းများ

ကိုးကားမြောက် Alien ရုပ်ရှင် အကြောင်း နောက်ဆုံးရသတင်းများ

မတ် ၅၊ ၂၀၂၃။

◼ Disney လက်အောက်ခံ 20th Century, Hulu ရုပ်သံလိုင်းနဲ့ Scott Free ကုမ္ပဏီတို့ ပူးပေါင်းထုတ်လုပ်မယ့် ကိုးကားမြောက် Alien ရုပ်ရှင်သစ်နဲ့ပတ်သက်ပြီး ပြီးခဲ့တဲ့ မတ် ၃ ရက်နေ့က ဇာတ်လမ်းအနှစ်ချုပ်၊ သရုပ်ဆောင်နဲ့ ဒါရိုက်တာတွေအ​ကြောင်းအသေးစိတ်ကို 20th Century Studios က တရားဝင်သတင်းထုတ်ပြန်လာပါတယ်။

◼ Xenomorph တွေအကြောင်းပြသမယ့် Alien ရုပ်ရှင်သစ်နဲ့ပတ်သက်ပြီး တရားဝင်အမည်ပေးထားခြင်းမရှိပေမယ့်လည်း တခြားကမ္ဘာပေါ်ကိုရောက်သွားတဲ့လူငယ်တစ်စုဟာ ထူးခြားတဲ့သက်ရှိမျိုးစိတ်တစ်ခုနဲ့ရင်ဆိုင်ကြုံတွေ့ရမယ့်အကြောင်း ဇာတ်လမ်းဆင်ထားတာဖြစ်ပါတယ်။

◼ Alien ရုပ်ရှင်သစ်မှာ Pacific Rim: Uprising သရုပ်ဆောင် Cailee Spaeny က အဓိကနေရာကနေ ပါဝင်သရုပ်ဆောင်သွားမှာဖြစ်ပြီး David Jonsson (“Industry”), Archie Renaux (“Shadow and Bone”), Isabela Merced (“Rosaline”), Spike Fearn (“The Batman”) နဲ့ Aileen Wu (“Away from Home”) တို့လည်း ပါဝင်သွားမှာပါ။ 

◼ Evil Dead remake, Don't Breathe နဲ့ The Girl in the Spider's Web တို့ရဲ့ ဒါရိုက်တာ Fede Alvarez က Alien ရုပ်ရှင်သစ်ရဲ့ ဇာတ်လမ်းဇာတ်ညွှန်း နဲ့ ဒါရိုက်တာအဖြစ် တာဝန်ယူရိုက်ကူးပေးမှာဖြစ်ပြီး လာမယ့် မတ် ၉ ရက်နေ့မှာပဲ Budapest မှာ ရိုက်ကူးရေးစတင်တော့မှာဖြစ်ပါတယ်။

◼ ပြသရက်ကိုတော့ မသိရသေးပါဘူး။ 

Ref: Variety

McGarrett ရေးသည်။