The Walking Dead: Rick and Michonne မှာ Lucifer သရုပ်ဆောင် ပါဝင်လာ

The Walking Dead: Rick and Michonne မှာ Lucifer သရုပ်ဆောင် ပါဝင်လာ

The Walking Dead | မတ် ၇၊ ၂၀၂၃။

◼ The Walking Dead ဇာတ်လမ်းတွဲထဲက Rick နဲ့ Michonne တို့ကို အဓိကပြသမယ့် spin-off ဇာတ်လမ်းတွဲ The Walking Dead: Rick and Michonne ဟာ လက်ရှိမှာ အမေရိကန်နိုင်ငံ၊ နယူးဂျာစီမှာ ရိုက်ကူးရေးပြုလုပ်ဆဲအနေအထားမှာရှိနေပါတယ်။ The Walking Dead: Rick and Michonne ဟာ The Walking Dead က Rick နဲ့ Michonne ဇာတ်ကောင်တွေကိုအဓိကဇာတ်အိမ်တည်ထားမှာဖြစ်ပြီး Andrew Lincoln နဲ့ Danai Gurira တို့ ပြန်လည်ပါဝင်သရုပ်ဆောင်ထားပါတယ်။

◼ ယခုအခါမှာတော့ The Walking Dead: Rick and Michonne မှာ နာမည်ကျော် Lucifer ဇာတ်လမ်းတွဲကသရုပ်ဆောင်တစ်ယောက် ပါဝင်လာပြီဖြစ်ပါတယ်။

◼ Lucifer မှာ Demon Maze အဖြစ် သရုပ်ဆောင်ခဲ့တဲ့ Leslie-Ann Brandt ဟာ The Walking Dead: Rick and Michonne မှာ Pearl Thorne ဇာတ်ကောင်အဖြစ် ပါဝင်သွားမှာဖြစ်ကြောင်း Deadline သတင်းအရသိရပါတယ်။ Leslie-Ann Brandt ဟာ Gotham နဲ့ Spartacus တို့မှာလည်း သရုပ်ဆောင်ခဲ့ဖူးပါသေးတယ်။

◼ The Walking Dead: Rick and Michonne ဟာ စုစုပေါင်း အပိုင်း ၆ ပိုင်း ပါဝင်မှာဖြစ်ပြီး ၂၀၂၄ မှာ ပြသဖွယ်ရှိနေပါတယ်။ 

◼ The Walking Dead ဟာ Fear the Walking Dead အပြင် နောက်ထပ် spin-off တွေဖြစ်တဲ့ The Walking Dead: Dead City, The Walking Dead: Daryl Dixon နဲ့ The Walking Dead: Rick and Michonne တို့ကိုပါ ထပ်မံထုတ်လုပ်သွားမှာဖြစ်ပါတယ်။

Ref: Deadline

McGarrett ရေးသည်။