Godzilla vs Kong sequel ရုပ်ရှင်ရဲ့ တရားဝင်နာမည်ထုတ်ပြန်လာ

Godzilla vs Kong sequel ရုပ်ရှင်ရဲ့ တရားဝင်နာမည်ထုတ်ပြန်လာ

ဧပြီ ၂၀၊ ၂၀၂၃။

◼ ဟောလိဝုဒ်မှာ တခြားသော cinematic universe တွေ အပြိုင်အဆိုင်နယ်ချဲ့နေသလို Legendary နဲ့ WarnerBros. တို့ရဲ့ MonsterVerse ဟာလည်း Godzilla vs Kong ရုပ်ရှင်သစ်တစ်ကားနဲ့ ထပ်မံနယ်ချဲ့လာနေပြီဖြစ်ပါတယ်။

◼ ၂၀၂၁ မှာ ပြသခဲ့တဲ့ Godzilla vs Kong ရဲ့ sequel ရုပ်ရှင်ကို ပရိသတ်တွေက Godzilla vs Kong 2 လို့ အကြမ်းဖျဥ်းခေါ်ဝေါ်ကြပေမယ့် ယခုအခါမှာတော့ အဲဲဒီရုပ်ရှင်ရဲ့နာမည်ဟာ Godzilla × Kong: The New Empire ဖြစ်ကြောင်း ၃၅စက္ကန့်စာ ဗွီဒီယိုကလစ်တစ်ခုနဲ့ တရားဝင်အတည်ပြုလာခဲ့ပြီဖြစ်ပါတယ်။ Godzilla × Kong: The New Empire ဟာ ငါးကားမြောက် MonsterVerse ရုပ်ရှင်ဖြစ်လာပြီး မတ် ၁၅၊ ၂၀၂၄ မှာ ရုံတင်ပြသမှာပါ။

◼ Godzilla × Kong: The New Empire ကို Godzilla vs Kong ဒါရိုက်တာ Adam Wingard ကပဲ ရိုက်ကူးပေးမှာဖြစ်ပြီး Terry Rossio, Jeremy Slater နဲ့ Simon Barrett တို့က ဇာတ်လမ်းရေးသားပေးသွားမှာပါ။ ဒါ့အပြင် Godzilla vs Kong ရုပ်ရှင်ထဲက သရုပ်ဆောင်တွေဖြစ်တဲ့ Rebecca Hall, Brian Tyree Henry နဲ့ Kaylee Hottle တို့လည်း Godzilla vs Kong: The New Empire မှာ ပြန်လည်ပါဝင်လာမှာဖြစ်ပါတယ်။

◼ Godzilla × Kong: The New Empire မှာ ဂေါ်ကြီးနဲ့ ကင်းကောင်အပြင် ဘယ်လိုတိုက်တန်သတ္တဝါကြီးတွေပါဝင်လာမလဲမသိရသေးပေမယ့်လည်း ပရိသတ်တွေကတော့ မော့သရာတိုက်တန်ကိုပြန်လည်မြင်တွေ့ချင်နေကြပါတယ်။

◼ MonsterVerse မှာ အဲဒီရုပ်ရှင်တွေအပြင် Kurt Russell နဲ့ Wyatt Russell တို့သားအဖရဲ့ Godzilla Series လည်း ရှိပါသေးတယ်။

Ref: ComicBook

McGarrett ရေးသည်။