နှစ်နှစ်အတွင်း နာမည်ကြီးရုပ်ရှင်ငါးကားကို ရိုက်ကူးဖို့ငြင်းခဲ့တဲ့ Rachel McAdams

နှစ်နှစ်အတွင်း နာမည်ကြီးရုပ်ရှင်ငါးကားကို ရိုက်ကူးဖို့ငြင်းခဲ့တဲ့ Rachel McAdams

ဧပြီ ၂၀၊ ၂၀၂၃။

◼ Doctor Strange, Doctor Strange in the Multiverse of Madness, Sherlock Holmes, The Notebook နဲ့ Mean Girls တွေမှာ ပါဝင်သရုပ်ဆောင်ခဲ့တဲ့ ကနေဒါသရုပ်ဆောင် Rachel McAdams ဟာလည်း ၎င်းရဲ့သရုပ်ဆောင်ဘဝကိုပြောင်းလဲစေနိုင်မယ့် ရုပ်ရှင်ကားကြီးငါးကားကို ငြင်းခဲ့ဖူးပါတယ်။

◼ MCU ရဲ့ ပထမဆုံးရုပ်ရှင် Iron Man, Daniel Craig ရဲ့ ပထမဆုံး James Bond ရုပ်ရှင် Casino Royale, Tom Cruise ရဲ့ သုံးကားမြောက် Mission Impossible ရုပ်ရှင် Mission: Impossible III နဲ့ တခြားရုပ်ရှင်တွေဖြစ်တဲ့ Devil Wears Prada နဲ့ Get Smart တို့ကိုငြင်းခဲ့ကြောင်း Rachel McAdams က Bustle မဂ္ဂဇင်းရဲ့ဆောင်းပါးတစ်ခုမှာပြောပြလာပါတယ်။

"ကျွန်မလုပ်လို့ရရင်ကောင်းမှာပဲဆိုတဲ့ဟာလေးတွေတော့ရှိခဲ့တယ်။ ဒါပေမယ့် ကျွန်မနောက်ဆုတ်ခဲ့တယ်၊ အဲတော့ ဒီနေရာတွေကို သင့်တော်တဲ့လူတွေရသွားတာပေါ့။"

◼ Rachel McAdams ငြင်းခဲ့တဲ့ အဲဒီရုပ်ရှင်ငါးကားဟာ ၂၀၀၆ ကနေ ၂၀၀၈ အတွင်းမှာထွက်ခဲ့တဲ့ရုပ်ရှင်များဖြစ်ပါတယ်။ Rachel McAdams ဟာ Iron Man မှာ မပါဝင်ခဲ့ပေမယ့်လည်း Doctor Strange နဲ့ Doctor Strange in the Multiverse of Madness ရုပ်ရှင်တွေနဲ့ MCU ထဲကို ရောက်ရှိလာပါတယ်။ Casino Royale မှာ Rachel McAdams ကို ဘယ်နေရာကနေကမ်းလှမ်းခဲ့လဲဆိုတာ မပြောပြခဲ့ပေမယ့်လည်း သရုပ်ဆောင် Eva Green ရဲ့ နေရာအတွက် လျာထားခဲ့နိုင်ချေရှိပါတယ်။

Ref: Variety

McGarrett ရေးသည်။