John Cena နဲ့ Idris Elba တို့ရဲ့ ရုပ်ရှင်သစ်မှာ Priyanka Chopra-Jonas ပါဝင်လာ
ဧပြီ ၆၊ ၂၀၂၃။
◼ ၂၀၂၁ ထုတ် အက်ရှင်ရုပ်ရှင် Nobody ရဲ့ ဒါရိုက်တာ Ilya Naishuller ဟာ Amazon Prime Video အတွက် ဟာသအက်ရှင်ရုပ်ရှင်တစ်ကားဖြစ်တဲ့ Head of State ကို တာဝန်ယူရိုက်ကူးပေးသွားမှာဖြစ်ပါတယ်။
◼ Head of State မှာ နာမည်ကျော်သရုပ်ဆောင်နှစ်ယောက်ဖြစ်တဲ့ John Cena နဲ့ Idris Elba တို့ အဓိကနေရာကနေ ပါဝင်သရုပ်ဆောင်သွားမှာဖြစ်ပါတယ်။ ယခုအခါမှာတော့ Head of State မှာ ဟောလိဝုဒ်မှာရော ဘောလိဝုဒ်မှာပါနာမည်ကြီးတဲ့ သရုပ်ဆောင် Priyanka Chopra-Jonas လည်း ပါဝင်သွားဦးမှာပါ။
◼ Head of State ရဲ့ ဇာတ်လမ်းကို Josh Appelbaum, André Nemec, နဲ့ Harrison Query တို့က ပူးတွဲရေးသားထားတာဖြစ်ပါတယ်။ ပြသရက်အပါအဝင် ဇာတ်လမ်းအနှစ်ချုပ်နဲ့ပတ်သက်ပြီး အသေးစိတ်မသိရသေးပေမယ့်လည်း Midnight Run နဲ့ Air Force One ပေါင်းထားတဲ့ပုံစံမျိုးဖြစ်တယ်လို့တော့သိရပါတယ်။
◼ Idris Elba နဲ့ John Cena ဟာ James Gunn ရဲ့ DC ရုပ်ရှင် The Suicide Squad မှာ Bloodsport နဲ့ Peacemaker နေရာတွေကနေ အတွဲညီညီသရုပ်ဆောင်ခဲ့ကြတဲ့အတွက် Head of State မှာလည်း ဒီလိုမျိုးတွေ့ရမလားဆိုတာကတော့ စိတ်ဝင်စားစရာပါပဲ။
◼ Priyanka Chopra-Jonas ဟာ Russo ညီနောင်ရဲ့ Citadel ဇာတ်လမ်းတွဲမှာ Richard Madden နဲ့အတူ ပါဝင်ထားပါသေးတယ်။
Ref: ComicBook
McGarrett ရေးသည်။
0 Comments