It prequel series Welcome to Derry အတွက် သရုပ်ဆောင်လေးဦးရွေးချယ်ထား

It prequel series Welcome to Derry အတွက် သရုပ်ဆောင်လေးဦးရွေးချယ်ထား

ဧပြီ ၅၊ ၂၀၂၃။

◼ It ရုပ်ရှင်နှစ်ကားနဲ့ တိုက်ရိုက်ဆက်စပ်မှုရှိတဲ့ prequel ဇာတ်လမ်းတွဲတစ်ခုဖြစ်တဲ့ Welcome to Derry ကို Warner Bros. နဲ့ HBO Max ဟာ စတင်ထုတ်လုပ်ဖို့ပြင်ဆင်နေပြီဖြစ်ပါတယ်။

◼ Deadline သတင်းအရ Welcome to Derry မှာ ပါဝင်ဖို့အတွက် Taylour Paige, Jovan Adepo, James Remar နဲ့ Chris Chalk တို့ ပါဝင်သွားမှာဖြစ်ကြောင်းသိရှိရပါတယ်။ သို့ပေမယ့်လည်း အဲဒီလေးယောက်ဟာ ဘယ်ဇာတ်ကောင်တွေနေရာကနေ ပါဝင်သွားမလဲဆိုတာကတော့ မသိရသေးပါဘူး။ 

◼ Taylour Page ဟာ Zola, Beverly Hills Cop: Axel Foley နဲ့ Black Bottom တို့မှာ ပါဝင်ခဲ့ပါတယ်။ Jovan Adepo ကတော့ Babylon ရုပ်ရှင်နဲ့ Watchmen Series မှာ သရုပ်ဆောင်ခဲ့ပါတယ်။ James Remar ကတော့ Oppenheimer, Megalopolis, Mortal Kombat: Annihilation နဲ့ Dexter တို့မှာပါဝင်ခဲ့ပါတယ်။ Chris Chalk ​ကတော့ Perry Mason, All Dirt Roads Taste of Salt နဲ့ Feud: Capote’s Women တို့မှာ သရုပ်ဆောင်ခဲ့တာပါ။

◼ It ရဲ့ prequel ဇာတ်လမ်းတွဲ Welcome to Derry ဇာတ်လမ်းတွဲဟာ ဒါရိုက်တာ Andy Muschietti ရဲ့ It: Chapter 1 နဲ့ It: Chapter 2 မတိုင်ခင်က Derry မြို့မှာဖြစ်ပျက်ခဲ့တဲ့အဖြစ်အပျက်တွေကို အဓိကပြသမှာပါ။

◼ ဒါပေမယ့် Welcome to Derry မှာ သရုပ်ဆောင် Bill Skarsgård ရဲ့ Pennywise ဇာတ်ကောင်ကိုတော့ တွေ့ရမှာတော့မဟုတ်ပါဘူး။ Welcome to Derry မှာ Pennywise ပါဝင်လာမှာမဟုတ်ကြောင်းကို Bill Skarsgård က Jakes' Take ဆိုတဲ့ အင်တာဗျူးတစ်ခုမှာ အတည်ပြုလာခဲ့တာပါ။

◼ It ရုပ်ရှင်တွေဟာ မြို့တစ်မြို့မှာကလေးတွေပျောက်ဆုံးနေတဲ့အဖြစ်အပျက်နဲ့ မကောင်းဆိုးဝါးတစ်ကောင်အကြောင်းရိုက်ကူးထားတာဖြစ်ပါတယ်။

◼ Welcome to Derry ကို Warner Bros. Television နဲ့ It ဒါရိုက်တာ Andy Muschietti အပါအဝင် Barbara Muschietti နဲ့ Jason Fuchs တို့က တာဝန်ယူထုတ်လုပ်ပြသမှာဖြစ်ပါတယ်။ Jason Fuchs ဟာ Welcome to Derry ရဲ့ ပထမဆုံးအပိုင်းကို ဇာတ်လမ်းဇာတ်ညွှန်းရေးသားမှာဖြစ်ပါတယ်။ 

◼ ပြသရက်နဲ့ကျန်ရှိနေတဲ့အသေးစိတ်ကိုတော့မသိရသေးပါဘူး။

ပုံစာ (ဝဲမှယာ) - Welcome To Derry မှာ ပါဝင်သွားမယ့်သရုပ်​ဆောင်များ | Taylour Paige, Jovan Adepo, James Remar, Chris Chalk 

Ref: Deadline 

McGarrett ရေးသည်။