Joker: Folie à Deux ရိုက်ကူးရေးပြီးပြီ

Joker: Folie à Deux ရိုက်ကူးရေးပြီးပြီ

ဧပြီ ၆၊ ၂၀၂၃။

◼ DC ရုပ်ရှင်တစ်ကားဖြစ်တဲ့ Joker: Folie à Deux ဟာ ရိုက်ကူးရေးပြီးသွားပြီဖြစ်ကြောင်း ဒါရိုက်တာ Todd Phillip က ကြေညာအတည်ပြုလာပါတယ်။

◼ Joker: Folie à Deux ရဲ့ ရိုက်ကူးရေးပြီးဆုံးပြီဖြစ်ကြောင်းကို ဒါရိုက်တာ Todd Phillip က သူ့ရဲ့ Instagram စာမျက်နှာကနေတစ်ဆင့် ကြေညာလာတာဖြစ်ပြီး အဲဒီကြေညာချက်မှာ Lady Gaga ရဲ့ Harley Quinn ဓာတ်ပုံနဲ့ Joaquin Phoenix ရဲ့ Arthur Fleck ဓာတ်ပုံတွေကို ပူးတွဲဖော်ပြပေးထားပါတယ်။

◼ Todd Phillip ရဲ့ Instagram ပို့စ်အပြည့်အစုံကတော့ "ရိုက်ကူးရေးပြီးပါပြီ။ ဒီနှစ်ယောက်နဲ့ သရုပ်ဆောင်တွေအကုန်လုံးအပါအဝင် ရိုက်ကူးရေးအဖွဲ့သားအားလုံး ခေါင်းအစခြေအဆုံး ကျေးဇူးတင်ပါတယ်။ အခု ဂူအောင်းပြီးတော့ တည်းဖြတ်ခန်းမှာ အကုန်လုံးကိုတည်းဖြတ်ပါတော့မယ်။"

◼ Joker: Folie à Deux ကို ၂၀၂၂ ဒီဇင်ဘာလမှာ ရိုက်ကူးရေးစတင်ခဲ့တာဖြစ်ပြီး ရိုက်ကူးရေးကာလ သုံးလကျော်ကြာမြင့်ခဲ့ပါတယ်။ Lady Gaga ရဲ့ Harley Quinn နဲ့ Joaquin Phoenix ရဲ့ Arthur Fleck အပြင် Joker: Folie à Deux မှာ Zazie Beetz ကိုလည်း Sophie Dumond အဖြစ် ပြန်တွေ့ရမှာဖြစ်သလို Brendan Gleeson နဲ့ Catherine Keener တို့လည်း ပါဝင်ထားပါသေးတယ်။

◼ ၂၀၁၉ က ထွက်ခဲ့တဲ့ Joker ဟာ ဘတ်ဂျက်ငွေ ကန်ဒေါ်လာ ၅၅ သန်းကနေ သန်း ၇၀ အထိ အသုံးပြုကာ ရုံတင်ငွေစုစုပေါင်း ကန်ဒေါ်လာ ၁.၀၇၄ ဘီလျံအထိရရှိခဲ့သလို သရုပ်ဆောင် Joaquin Phoenix ဟာလည်း အကောင်းဆုံးသရုပ်ဆောင်ဆု အော်စကာဆုကိုရခဲ့ပါသေးတယ်။

◼ Joker: Folie á Deux ကို အောက်တိုဘာ ၄၊ ၂၀၂၄ မှာ ရုံတင်ပြသမှာပါ။

Ref: Todd Phillip Instagram

McGarrett ရေးသည်။