The Exorcist ရုပ်ရှင်သစ်ရဲ့ တရားဝင်နာမည်ကို CinemaCon 2023 မှာ အတည်ပြုလာ
ဧပြီ ၂၇၊ ၂၀၂၃။
◼ ဟောလိဝုဒ်က ထုတ်လုပ်သူတစ်ယောက်ဖြစ်တဲ့ Jason Blum နဲ့ ၎င်းရဲ့ထုတ်လုပ်ရေးကုမ္ပဏီ Blumhouse Production ဟာ နာမည်ကျော် horror နဲ့ slasher ရုပ်ရှင်တွေကို ထုတ်လုပ်ကာ နာမည်တစ်ခုကိုအရယူခဲ့ပါတယ်။
◼ Halloween (2018), Halloween Kills (2021) နဲ့ Halloween Ends (2022) ဟာ Blumhouse ရဲ့ အထင်ကရ slasher ရုပ်ရှင်တွေဖြစ်ပြီး ယခုအခါမှာတော့ ၁၉၇၃ က ထွက်ခဲ့တဲ့ နာမည်ကျော် horror ရုပ်ရှင် The Exorcist ကို Halloween ဒါရိုက်တာ David Gordon Lee နဲ့ နောက်ထပ် sequel ထုတ်လုပ်ပြသတော့မှာဖြစ်ပါတယ်။
◼ David Gordon Lee ရဲ့ The Exorcist ဟာ မူလက reboot ဆိုပြီး သိထားပေမယ့်လည်း ဒီကနေ့ကျင်းပခဲ့တဲ့ CinemaCon 2023 အရ ၁၉၇၃ ရုပ်ရှင် The Exorcist ရဲ့ sequel ဖြစ်ကြောင်းသိရပါတယ်။ CinemaCon 2023 ကို ဒါရိုက်တာ David Gordon Lee နဲ့ ထုတ်လုပ်သူ Jason Blum တို့ တက်ရောက်ခဲ့ပြီး The Exorcist ရဲ့ တရားဝင်နာမည်နဲ့ ဗွိဒီယိုကလစ်တချို့ကိုပြသခဲ့ပါတယ်။ The Exorcist ရုပ်ရှင်သစ်ရဲ့တရားဝင်နာမည်ကတော့ The Exorcist: Believer ဖြစ်ကြောင်း အတည်ပြုပေးခဲ့တာပါ။ ဒါ့အပြင် The Exorcist ကိုလည်း Halloween လို သုံးကားတွဲ Franchise တစ်ခု တည်ဆောက်ဖို့အထိပြင်ဆင်ထားကြောင်း Jason Blum က ထပ်မံပြောပြလာပါတယ်။
◼ CinemaCon 2023 မှာ ပြသလာတဲ့ဗွီဒီယိုကလစ်အရ The Exorcist: Believer မှာ သရုပ်ဆောင် Lidya Jewett က အဓိကကျမှာဖြစ်ပြီး ၎င်းရဲ့ဇာတ်ကောင်ကတော့ နတ်ဆိုးပူးကပ်ခံရတဲ့ကလေးငယ်တစ်ယောက်ဖြစ်ပါတယ်။ ဒါ့အပြင် အဲဒီဗွီဒီယိုကလစ်မှာ ဘုရားကျောင်းတစ်ခုမှာ နတ်ဆိုးပူးကပ်ခံရတဲ့ကလေးငယ်တွေကို အစွဲနှင်နေတဲ့ပြကွက်တစ်ခုလည်းပါဝင်ခဲ့ပါသေးတယ်။ ၁၉၇၃ ရုပ်ရှင်မှာတော့ မကောင်းဆိုးပါး Pazuzu ရဲ့ ပူးကပ်မှုကိုပြသခဲ့တာဖြစ်ပြီး ဒီရုပ်ရှင်မှာတော့ ဘယ်မကောင်းဆိုးဝါးလဲဆိုတာ မသိရသေးပါဘူး။
◼ CinemaCon ဟာ ရုပ်ရှင်ရုံပိုင်ရှင်များနဲ့ သတင်းထောက်များသာတက်ရောက်ခွင့်ရတဲ့ ကန့်သတ်ကျင်းပပွဲတစ်ခုဖြစ်တဲ့အတွက် The Exorcist: Believer ရဲ့ ဗွီဒီယိုကလစ်ကိုတော့ အင်တာနက်မှာတွေ့ရမှာမဟုတ်ပါဘူး။
◼ The Exorcist: Believer မှာ မူရင်းရုပ်ရှင်ထဲက Ellen Burstyn ကို Chris MacNeil အဖြစ်၊ Linda Blair က Regan MacNeil အဖြစ် ပြန်လည်ပါဝင်လာဦးမှာဖြစ်ပါတယ်။
◼ The Exorcist: Believer ကို လာမယ့် အောက်တိုဘာ ၁၃၊ ၂၀၂၃ မှာ ရုံတင်ပြသသွားမှာပါ။
Ref: ComicBook
Sub-Zero ရေးသည်။
0 Comments