The Sandman နဲ့ universe အတူတူမှာရှိမယ့် Dead Boy Detectives ဇာတ်လမ်းတွဲ

The Sandman နဲ့ universe အတူတူမှာရှိမယ့် Dead Boy Detectives ဇာတ်လမ်းတွဲ

◼ The Sandman ဖန်တီးသူ Neil Gaiman နဲ့ Matt Wagner တို့ဟာ ၎င်းတို့ရဲ့ DC Comic series ဖြစ်တဲ့ Dead Boy Detectives ကို Live-action Series တစ်ခုအဖြစ် ထုတ်လုပ်တော့မှာဖြစ်ပါတယ်။

◼ မူလက Dead Boy Detectives ကို HBO Max မှာ ပြသဖို့အတွက်ရည်ရွယ်ထားပေမယ့်လည်း ၂၀၂၃ နှစ်ဦးမှာပဲ HBO Max ကနေ Netflix ကို ပြောင်းရွှေ့လိုက်ပါတယ်။ 

◼ Dead Boy Detectives ဟာ Comics မှာလည်း The Sandman နဲ့ အတူ Vertigo Comic ကနေ ဖြန့်ဝေတာဖြစ်ပြီး The Sandman Comics နဲ့ ဇာတ်လမ်းအရဆက်စပ်မှုရှိပါတယ်။

◼ ယခု live-action မှာလည်း Dead Boy Detectives ဟာ The Sandman ဇာတ်လမ်းတွဲနဲ့ universe တစ်ခုတည်းမှာရှိနေတယ် လို့ The Sandman နဲ့ Dead Boy Detectives တို့ရဲ့ ဖန်တီးသူ Neil Gailmen က ၎င်းရဲ့ Twitter ကနေတစ်ဆင့် အတည်ပြုပေးခဲ့ပါတယ်။

◼ ဒါ့အပြင် Dead Boy Detectives ရဲ့ Season 1 ဟာလည်း ရိုက်ကူးမှုပြီးဆုံးသွားပြီဖြစ်ကြောင်း Neil Gailmen က အတည်ပြုပေးခဲ့ပါသေးတယ်။

◼ သရုပ်ဆောင် George Rexstrew နဲ့ Jayden Revri တို့က Dead Boy Detectives ထဲက အဓိကဇာတ်ကောင်နှစ်ယောက်ဖြစ်တဲ့ ဗြိတိန်ဆယ်ကျော်သက်လူငယ်နှစ်ယောက်ဖြစ်တဲ့ Edwin Payne နဲ့ Charles Rowland တို့အဖြစ် သရုပ်ဆောင်သွားမှာပါ။ ဒီ Series ထဲမှာ Doom Patrol Series ထဲက Ruth Connell ကို Night Nurse အဖြစ် ပြန်တွေ့ရမှာပါ။

◼ Horror အမျိုးအစားဆန်တဲ့ ဒီ Series ကို Warner Bros. TV နဲ့ Berlanti Production တို့က ထုတ်လုပ်ပြသမှာဖြစ်ပြီး HBO Max ရဲ့ The Flight Attendant ရဲ့ showrunner ဖြစ်တဲ့ Steve Yockey က showrunner အဖြစ် တာဝန်ယူပြီးတော့ DC CW ရဲ့ producer တစ်ဦးဖြစ်တဲ့ Greg Berlanti က Executive Producer အဖြစ် ထုတ်လုပ်သွားမှာပါ။ ဒါ့အပြင် ဇာတ်လမ်းဇာတ်ညွှန်းတွေကိုတော့ Steve Yockey အပြင် Arrow ဇာတ်ညွှန်းဆရာ Beth Schwartz လည်း ရေးသားပေးမှာဖြစ်ပြီး ပထမဆုံးအပိုင်းကို Superman & Lois ရဲ့ ဒါရိုက်တာ Lee Toland Krieger က ရိုက်ကူးပေးသွားမှာပါ။

◼ ပြသရက်ကိုတော့ မသိရသေးပါဘူး။ 

Ref: Twitter

Sub-Zero ရေးသည်။