Anime prequel series တစ်ခုနဲ့ sequel ရုပ်ရှင် ထပ်ထွက်ဦးမယ့် Army of the Dead
မေ ၈၊ ၂၀၂၃။
◼ ၂၀၂၁ မှာ ထွက်ခဲ့တဲ့ Army of the Dead နဲ့ Army of Thieves အပြီးမှာ Zack Snyder ဟာ Army Universe ကို ထပ်မံချဲ့ထွင်ဖို့ပြင်ဆင်နေပါတယ်။
◼ Zombie apocalypse အကြောင်းရိုက်ကူးထားတဲ့ Army of the Dead ဟာ ပရိသတ်အားပေးမှုကိုအများအပြားရရှိခဲ့တာပါ။
◼ ပရိသတ်တွေအတွက် Army of the Dead အပြီး အခြေအနေတွေကိုပြသမယ့် sequel ရုပ်ရှင် Army of the Dead 2 နဲ့ Army of the Dead မတိုင်မီအခြေအနေကိုပြသမယ့် prequel anime series Army of the Dead: Lost Vegas ဆိုပြီး ထွက်ရှိလာဦးမှာပါ။
◼ Army of the Dead 2 နဲ့ ပတ်သက်ပြီး Zack Snyder က ၂၀၂၃ မတ်လထဲမှာ Collider သတင်းနဲ့အင်တာဗျူးတစ်ခုမှာ အခုလိုအတည်ပြုလာပါတယ်။
"Army Universe က ကောင်းကောင်းအလုပ်ဖြစ်နေသလိုမျိုး ကျွန်တော့်စိတ်ထဲမှာလည်းအမြဲရှိနေပြီး ကောင်းကောင်းအသက်ဝင်နေပါသေးတယ်။ ဘာလုပ်ရမလဲဆိုတာလည်းကျွန်တော်သိပါတယ်။ Rebel Moon နဲ့ Rebel Moon Universe ဘယ်လိုရှေ့ဆက်မလဲဆိုတာကို ဘယ်လိုအဖြေရှာရမလဲဆိုတာအပေါ်မူတည်တယ်။ Rebel Moon က ရေတိုကိစ္စမဟုတ်ပါဘူး။ ဒီအတိုင်းအတာရှိတဲ့သိပ္ပံရုပ်ရှင်မျိုးက အာရုံစိုက်ဖို့အများကြီးလိုအပ်ပါတယ်။"
◼ Rebel Moon ဟာ Part 1 နဲ့ Part 2 နှစ်ခုရှိမှာဖြစ်ပြီး Part 1 ကတော့ လာမယ့် ဒီဇင်ဘာ ၂၂၊ ၂၀၂၃ မှာ Netflix မှာ ပြသမှာပါ။
◼ Anime series ဖြစ်တဲ့ Army of the Dead: Lost Vegas ဟာ Army of the Dead 2 မတိုင်ခင်မှာပြသဖွယ်ရှိနေပါတယ်။ အသေးစိတ်အကြောင်းအရာကိုတော့မသိရသေးပေမယ့်လည်း Army of the Dead က သရုပ်ဆောင်တွေဖြစ်တဲ့ Dave Bautista, Ella Purnell, Ana de la Reguera, Omari Hardwick နဲ့ Tig Notaro အပြင် Vanessa Hudgens, Jena Malone, Joe Manganiello, Harry Lennix နဲ့ Christian Slater တို့ ပါဝင်သွားကြမှာပါ။ ဇာတ်လမ်းအကျဥ်းကတော့ Scott Ward (Dave Bautista) နဲ့ အဖွဲ့ဟာ လက်စ်ဗီးဂတ်စ်က၎င်းတို့ချစ်တဲ့သူတွေကို ဇွန်ဘီရန်ကနေကာကွယ်ရတဲ့အကြောင်းဖြစ်ပါတယ်။
◼ Army of the Dead 2 နဲ့ Army of the Dead: Lost Vegas တို့ရဲ့ ပြသရက်ကိုတော့မသိရသေးပါဘူး။
Sub-Zero ရေးသည်။
0 Comments