Batman နေရာကနေ အသံသရုပ်ဆောင်ဦးမယ့် သရုပ်ဆောင် Jensen Ackles
DC | မေ ၅၊ ၂၀၂၃။
◼ Supernatural နဲ့ The Boys သရုပ်ဆောင် Jensen Ackles ကတော့ DC Animated Movies Universe တစ်ခုဖြစ်တဲ့ Tomorrowverse ရဲ့ နောက်ထွက်မယ့် Animated ရုပ်ရှင်သစ် Justice League: Warworld မှာလည်း Bruce Wayne aka Batman နေရာကနေ အသံသရုပ်ဆောင်သွားဦးမှာဖြစ်ပါတယ်။
◼ Justice League: Warworld မှာ Jensen Ackles နဲ့ အတူ Stana Katics က Wonder Woman နဲ့ Darren Criss ကတော့ Superman နေရာတွေကနေ အသံသရုပ်ဆောင်ကြမှာပါ။
◼ Jensen Ackles ဟာ ယခင်ထွက်ခဲ့ဖူးတဲ့ Tomorrowverse ရုပ်ရှင်တွေဖြစ်တဲ့ Batman: The Long Halloween Part 1, Part 2 နဲ့ Legion of Super-Heroes တို့မှာလည်း Batman နေရာကနေ အသံသရုပ်ဆောင်ခဲ့တာဖြစ်ပြီး Justice League: Warworld ကတော့ Tomorrowverse မှာ သူ့အတွက် တတိယမြောက် အသံသရုပ်ဆောင်ခြင်းဖြစ်ပါတယ်။
◼ ဒါ့အပြင် Tomorrowverse ရဲ့ နောက်ထပ်ပြုလုပ်ပြသမယ့် Project တွေမှာလည်း Jensen Ackles ကို ထည့်သွင်းသွားဦးမှာပါ။
◼ Justice League: Warworld ကို San Diego Comic-Con 2022 မှာ ကြေညာခဲ့တာဖြစ်ပြီး Tomorrowverse ရဲ့ ခုနှစ်ကားမြောက်ဖြစ်သလို R-rated အမျိုးအစား Animated ရုပ်ရှင်လည်း ဖြစ်ပါတယ်။ ပြသရက်ကိုတော့အသေးစိတ်မသိရသေးပါဘူး။
◼ Tomorrowverse ကို Superman: Man of Tomorrow နဲ့ စတင်ခဲ့တာဖြစ်ပြီး Justice Society: World War II, Batman: The Long Halloween, Parts One and Two (2021), Green Lantern: Beware My Power (2022) နဲ့ Legion of Super-Heroes (2023) ဆိုပြီးထွက်ရှိထားပါတယ်။
◼ Jensen Ackles ကို ပထမက DC Universe အသစ်မှာ Batman အသစ်အနေနဲ့ တွေ့ရမလိုလိုရှိပြီး နောက်ပိုင်းကျတော့ အသံသရုပ်ဆောင်တဲ့ Project တွေကိုသာ လုပ်ဆောင်ပေးခဲ့ရတယ်လို့လည်း အရပ်သတင်းများထွက်ပေါ်နေပါတယ်။
Ref: Internet
John Snow ရေးသည်။
0 Comments