Beetlejuice 2 မှာ ပါဝင်သရုပ်ဆောင်မယ့် Willem Dafoe

Beetlejuice 2 မှာ ပါဝင်သရုပ်ဆောင်မယ့် Willem Dafoe

မေ ၁၃၊ ၂၀၂၃။

◼ ၁၉၈၈ က ထွက်လာခဲ့တဲ့ ဒါရိုက်တာ Tim Burton ရဲ့ comedy-horror ရုပ်ရှင် Beetlejuice ဟာ နောက်ထပ် sequel တစ်ခုဖြစ်တဲ့ Beetlejuice 2 ဆိုပြီး ထပ်မံထွက်ရှိလာဦးမှာဖြစ်ပါတယ်။

◼ Beetlejuice 2 ကို စက်တင်ဘာ ၆၊ ၂၀၂၄ မှာ ရုံတင်ပြသမှာဖြစ်ကြောင်း WarnerBros. က ပြီးခဲ့တဲ့ရက်ပိုင်းက အတည်ပြုလာခဲ့ပြီဖြစ်ပါတယ်။ 

◼ Beetlejuice 2 မှာ Michael Keaton က Beetlejuice အဖြစ်၊ Winona Ryder က Lydia Deetz အဖြစ် ပြန်လည်ပါဝင်လာသလို Wednesday သရုပ်ဆောင် Jenna Ortega ကိုလည်း Lydia Deetz ရဲ့ သမီးအဖြစ် တွေ့ရဦးမှာဖြစ်ပါတယ်။

◼ ဟောလိဝုဒ်က နာမည်ကျော်ဝါရင့်သရုပ်ဆောင်တစ်ယောက်ဖြစ်တဲ့ Willem Dafoe ဟာလည်း Beetlejuice 2 မှာ တမလွန်ဘဝရဲ့ရဲအရာရှိနေရာကနေ ပါဝင်သွားမှာဖြစ်ကြောင်းသိရှိရပါတယ်။ Willem Dafoe ဟာ လက်ရှိမှာ Poor Thing, Asteroid City နဲ့ Nosferatu ရုပ်ရှင်တွေမှာ ပါဝင်သရုပ်ဆောင်ထားပါသေးတယ်။

◼ ဒါ့အပြင် Beetlejuice 2 မှာ အီတလီသရုပ်ဆောင် Monica Bellucci ကိုလည်း တွေ့ရဦးမှာပါ။ 

◼ ပထမ Beetlejuice ရဲ့ ဇာတ်လမ်းသဘောကတော့ သေဆုံးပြီးဝိညာဥ်ဖြစ်သွားတဲ့ဇနီးမောင်နှံဟာ ၎င်းတို့အိမ်ကိုရောက်ရှိလာတဲ့မိသားစုတွေကိုခြောက်လှန့်ဖို့အတွက် Beetlejuice ဆိုတဲ့ သရဲတစ်ကောင်ကိုငှားရမ်းပြီးခြောက်လှန့်ခိုင်းတဲ့အကြောင်းကိုပြသထားတာပါ။ Beetlejuice 2 ရဲ့ ဇာတ်လမ်းအကျဥ်းသဘောကိုတော့မသိရသေးပါဘူး။

◼ Beetlejuice 2 ကို ဒါရိုက်တာ Tim Burton ကပဲ ဆက်လက်ရိုက်ကူးမှာဖြစ်ပြီး ဇာတ်ညွှန်းကိုတော့ Wednesday ဇာတ်ညွှန်းဆရာတွေဖြစ်တဲ့ Alfred Gough နဲ့ Miles Millar တို့က ရေးသားပေးမှာဖြစ်ပါတယ်။

◼ သရုပ်ဆောင် Brad Pitt ရဲ့ Plan B Production က Beetlejuice 2 ကို ရိုက်ကူးထုတ်လုပ်သွားမှာဖြစ်ပြီး လန်ဒန်မြို့မှာရိုက်ကူးရေးစတင်သွားဖွယ်ရှိပါတယ်။

Ref: THR

McGarrett ရေးသည်။