နောက်ထပ် Fast & Furious 12 ပါ ထပ်ထွက်လာနိုင်ဖွယ်ရှိနေ
မေ ၁၃၊ ၂၀၂၃။
◼ ၂၀၀၁ က စတင်ခဲ့တဲ့ ကားအက်ရှင်ရုပ်ရှင် franchise တစ်ခုဖြစ်တဲ့ Fast & Furious Franchise ဟာ ယခုလာမယ့် မေ ၁၉ မှာ ဆယ်ကားမြောက်ရုပ်ရှင် Fast X ပြသသွားမှာဖြစ်ပြီး ၂၀၂၅ မှာ နောက်ထပ် ထွက်ရှိလာမယ့် Fast & Furious 11 နဲ့ ဒီ franchise ဟာ အဆုံးသတ်သွားမှာဖြစ်ပါတယ်။
◼ သို့ပေမယ့် Fast X ကို အီတလီနိုင်ငံ၊ ရောမမြို့မှာ ပွဲကြိုပြသချိန်မှာတော့ Fast & Furious franchise ရဲ့ အဓိကပုဂ္ဂိုလ်တစ်ယောက်ဖြစ်တဲ့ Vin Diesel ဟာ နောက်ထပ် Fast & Furious 12 ကိုပါ ဆက်လက်ထုတ်လုပ်ဖို့ရှိကြောင်း စကားသံပေးလာပါတယ်။ Vin Diesel ရဲ့ မှတ်ချက်အရ Fast X ကို နှစ်ပိုင်းတွဲရုပ်ရှင်အဖြစ်ဖန်တီးပြီး Fast & Furious 11 နဲ့ ဒီ franchise ဟာ အဆုံးသတ်သွားမှာဖြစ်ပေမယ့်လည်း Fast X ကို အကြိုပြသပြီးချိန်မှာတော့ Universal ဘက်က Vin Diesel ကို နောက်ထပ် Fast & Furious 12 ကိုပါ ထုတ်လုပ်ပေးဖို့တောင်းဆိုလာကြောင်း သိရပါတယ်။
◼ Fast & Furious 12 နဲ့ ပတ်သက်ပြီး Vin Diesel က Fast X ရဲ့ ပွဲကြိုပြသပွဲမှာ အခုလိုပြောပြလာပါတယ်။
“ဒီရုပ်ရှင်ကိုရိုက်တော့ စတူဒီယိုက နှစ်ပိုင်းတွဲရိုက်ပေးဖို့ပြောလာတယ်။ ပြီးကျ စတူဒီယိုဘက်က ဒါကိုလည်းကြည့်ပြီးသွားတော့ကျ Fast X ဇာတ်သိမ်းလေးကို သုံးကားတွဲလေးလုပ်ပေးပါလား ဆိုပြီး တောင်းဆိုလာရောဗျာ။”
◼ Fast X ပွဲကြိုပြသပွဲကိုတက်ရောက်လာသူတွေက Fast & Furious 12 အတွက် ဒါဟာတရားဝင်အတည်ပြုချက်လားလို့မေးလာချိန်မှာတော့ Vin Diesel က တစ်စုံတစ်ရာပြောပြအတည်ပြုခြင်းမရှိခဲ့ပါဘူး။
◼ Fast X မှာ Vin Diesel, Jason Statham, Jason Momoa, Tyrese Gibson, Chris “Ludacris” Bridges, John Cena, Jordana Brewster, Brie Larson, Nathalie Emmanuel, Sung Kang, Scott Eastwood, Michael Rooker, Daniela Melchior, Alan Ritchson နဲ့ Cardi B တို့လည်း ပါဝင်ထားပါသေးတယ်။ ဒါ့အပြင် ဆုံးပါးသွားတဲ့ Fast & Furious သရုပ်ဆောင် Paul Walker ရဲ့ သမီးဖြစ်သူ Meadow Walker ကလည်း Fast X မှာ တစ်ခန်းပါဝင်ထားပါတယ်။
◼ Fast X ရုပ်ရှင်အပြီးမှာတော့ နောက်ထပ်ထွက်ရှိလာမယ့် Fast and Furious 11 ကိုဒါရိုက်တာ Louis Leterrier ကပဲ ဒါရိုက်တာနေရာကနေ တာဝန်ယူရိုက်ကူးသွားမှာဖြစ်ပြီး Christina Hodson (“The Flash,” “Bumblebee”) နဲ့ Oren Uziel (“The Lost City,” “22 Jump Street”) တို့က ဇာတ်လမ်းရေးသားပေးသွားမှာပါ။
Ref: Variety
McGarrett ရေးသည်။
0 Comments