မယုံနိုင်စရာကောင်းအောင် rating ထိုးကျနေတဲ့ Peter Pan and Wendy live-action ရုပ်ရှင်

မယုံနိုင်စရာကောင်းအောင် rating ထိုးကျနေတဲ့ Peter Pan and Wendy live-action ရုပ်ရှင်

မေ ၁၂၊ ၂၀၂၃။

◼ ဧပြီ ၂၈ ရက်မှာ Disney+ ကနေ စတင်ပြသခဲ့တဲ့ Disney live-action remake ရုပ်ရှင် Peter Pan and Wendy ဟာ ပရိသတ်ရဲ့ဝေဖန်ပြစ်တင်မှုကို ပြင်းပြင်းထန်ထန်ရင်ဆိုင်နေရပါတယ်။

◼ ဒီကနေ့ မေ ၁၂ ရက်နေ့၊ မြန်မာစံတော်ချိန် ည ၈နာရီ ၅၀မိနစ်အချိန်အထိလေ့လာချက်အရ Peter Pan and Wendy ဟာ နိုင်ငံတကာရုပ်ရှင်ဝေဖန်ရေးဝက်ဘ်ဆိုက်တစ်ခုဖြစ်တဲ့ Rotten Tomatoes က ပရိသတ်သတ်မှတ်ချက်တစ်ခုဖြစ်တဲ့ Audience Score မှာ ၁၃ ရာခိုင်နှုန်းသာ ရရှိထားတာကိုတွေ့ရှိရပါတယ်။ ဒါဟာ ပြီးခဲ့တဲ့နှစ်က ပြင်းပြင်းထန်ထန်ဝေဖန်ခံခဲ့ရတဲ့ Disney live-action remake ရုပ်ရှင်တစ်ကားဖြစ်တဲ့ Pinocchio ထက် ပိုပြီးဆိုးဝါးတဲ့အခြေအနေကို ရင်ဆိုင်နေရတာပါ။ Pinocchio ဟာ Rotten Tomatoes မှာ Tomatometer ၂၉ ရာခိုင်နှုန်း နဲ့ Audience Score ၂၈ ရာခိုင်နှုန်း သာ ရရှိခဲ့တာဖြစ်ပါတယ်။ သို့ပေမယ့် Peter Pan and Wendy ရဲ့ Tomatometer ကတော့ ၆၂ ရာခိုင်နှုန်းအထိရှိနေပါတယ်။

◼ Disney ဟာ Peter Pan and Wendy ကို live-action ထုတ်လုပ်ဖို့ ၂၀၁၆ ကတည်းက ကြေညာခဲ့တာဖြစ်ပြီး ယခု ထွက်ရှိလာချိန်မှာတော့ ပရိသတ်ရဲ့တုံ့ပြန်မှုတွေဟာ မယုံနိုင်စရာကောင်းအောင် ထိုးကျနေတာပဲဖြစ်ပါတယ်။

◼ Peter Pan and Wendy အပြင် Disney ဟာ ယခုလထဲမှာပဲ နောက်ထပ် live-action remake တစ်ကားဖြစ်တဲ့ The Little Mermaid ကိုလည်း ရုံတင်ပြသဦးမှာဖြစ်ပါတယ်။

Ref: Rotten Tomatoes 

Sub-Zero ရေးသည်။