Mortal Kombat 2 မှာ Johnny Cage အဖြစ် Karl Urban မှ သရုပ်ဆောင်ဖွယ်ရှိနေ

Mortal Kombat 2 မှာ Johnny Cage အဖြစ် Karl Urban မှ သရုပ်ဆောင်ဖွယ်ရှိနေ

မေ ၅၊ ၂၀၂၃။

◼ ၂၀၂၁ က ထွက်ခဲ့တဲ့ Warner Bros. နဲ့ New Line Cinema တို့ရဲ့ game live-action ရုပ်ရှင် Mortal Kombat ဟာ ရုပ်ရှင်အရ ဝေဖန်မှုတွေနဲ့ကြုံခဲ့ရပေမယ့်လည်း နောက်ထပ် sequel တစ်ကားဖြစ်တဲ့ Mortal Kombat 2 လည်း ထွက်ရှိလာဦးမှာဖြစ်ပါတယ်။

◼ Mortal Kombat 2 မှာ ဂိမ်းထဲကဇာတ်ကောင်အများအပြားပါဝင်လာမှာဖြစ်တယ်လို့ယခင်သတင်းများအရသိရပါတယ်။ ယခုအခါမှာတော့ Mortal Kombat 2 မှာ Johnny Cage ဇာတ်ကောင်နေရာအတွက် သရုပ်ဆောင်ရွေးချယ်ထားကြောင်းသိရပါတယ်။

◼ The Boys ဇာတ်လမ်းတွဲနဲ့ Lord of the Rings သရုပ်ဆောင် Karl Urban ဟာ Mortal Kombat 2 မှာ Johnny Cage အဖြစ် သရုပ်ဆောင်ဖို့ သက်ဆိုင်ရာတာဝန်ရှိသူတွေနဲ့ နောက်ဆုံးအဆင့်ညှိနှိုင်းမှုများပြုလုပ်နေကြောင်း The Wrap ဝက်ဘ်ဆိုက်ရဲ့သတင်းအရသိရပါတယ်။ သို့ပေမယ့် ဒီအကြောင်းအရာနဲ့ပတ်သက်ပြီး Karl Urban, Warner Bros. နဲ့ New Line Cinema တို့ဘက်က တစ်စုံတစ်ရာထုတ်ပြန်လာခြင်းမရှိသေးပါဘူး။

◼ Johnny Cage ဟာ ပျော်ပျော်နေတတ်တဲ့ အက်ရှင်သရုပ်ဆောင်နဲ့ကိုယ်ခံပညာရှင်ဇာတ်ကောင်ဖြစ်ပါတယ်။

◼ ဒါ့အပြင် Mortal Kombat 2 မှာ Johnny Cage အပြင် Mortal Kombat ဂိမ်းတွေထဲက နာမည်ကျော်ဇာတ်ကောင် Kitana အပါအဝင် ဗီလိန်ဇာတ်ကောင်လေးယောက်ဖြစ်တဲ့ Shao Kahn, Quan Chi, Sindel နဲ့ Baraka တို့ကို ထည့်သွင်းအသုံးပြုဖွယ်ရှိနေကြောင်းလည်း သတင်းထွက်ခဲ့ပါသေးတယ်။

◼ Mortal Kombat 2 ကို ဒါရိုက်တာ Simon McQuaid ကပဲ ဆက်လက်ရိုက်ကူးသွားမှာဖြစ်ပြီး Moon Knight နဲ့ The Umbrella Academy ရဲ့ ဇာတ်ညွှန်းဆရာ Jeremy Slater က ဇာတ်လမ်းရေးသားပေးထားတာပါ။ Mortal Kombat 2 ကို ၂၀၂၃ ဇွန်လကနေ စက်တင်ဘာလအထိ သြစတေးလျနိုင်ငံမှာရိုက်ကူးသွားမှာဖြစ်ပြီး ပြသရက်နဲ့ကျန်အသေးစိတ်ကိုတော့မသိရသေးပါဘူး။

Ref: The Wrap

McGarrett ရေးသည်။