Ridley Scott ရဲ့ Gladiator 2 မှာ သရုပ်ဆောင် Pedro Pascal လည်းပါဝင်လာ

Ridley Scott ရဲ့ Gladiator 2 မှာ သရုပ်ဆောင် Pedro Pascal လည်းပါဝင်လာ

မေ ၂၊ ၂၀၂၃။

◼ ဒါရိုက်တာ Ridley Scott ရဲ့ ၂၀၀၀ ခုနှစ်ထုတ် ရောမခေတ်နောက်ခံရုပ်ရှင် Gladiator ဟာ ရုံတင်ငွေ ကန်ဒေါ်လာ သန်း ၄၆၀ ကျော် ရရှိခဲ့သလို အော်စကာဆုငါးဆုကိုရရှိခဲ့တဲ့ ရုပ်ရှင်တစ်ကားဖြစ်ပါတယ်။

◼ နှစ်ပေါင်း ၂၂ နှစ် အကြာမှာ Gladiator ရဲ့ နောက်ထပ် sequel တစ်ကားဟာ ပရိသတ်ရှေ့မှောက်ကို ပြန်လာတော့မှာ ဖြစ်ပါတယ်။

◼ Gladiator 2 မှာ သရုပ်ဆောင် Paul Mescal, Barry Keoghan, Joseph Quinn နဲ့ Denzel Washington တို့အပြင် The Mandalorian, The Last of Us နဲ့ Narcos သရုပ်ဆောင် Pedro Pascal ပါ ပါဝင်လာပြီဖြစ်ကြောင်းသိရပါတယ်။ 

◼ ဒါ့အပြင် Gladiator 2 မှာ ယခင် Gladiator သရုပ်ဆောင် Connie Nielsen ဟာလည်း ပြန်လည်ပါဝင်လာမှာဖြစ်ပါတယ်။

◼ Paul Mescal က အဓိကဇာတ်ကောင် Lucius အဖြစ်၊ Barry Keoghan က ဧကရာဇ် Geta အဖြစ်နဲ့ Joseph Quinn က ဧကရာဇ် Caracalla အဖြစ် ပါဝင်သွားမှာဖြစ်ပေမယ့်လည်း Pedro Pascal နဲ့ Denzel Washington တို့ကတော့ ဘယ်ဇာတ်ကောင်နေရာကနေ ပါဝင်မလဲတော့မသိရသေးပါဘူး။

◼ Gladiator 2 ကိုတော့ နိုဝင်ဘာ ၂၂၊ ၂၀၂၄ မှာ ရုံတင်ပြသသွားမှာပါ။

Ref: THR

Harry ရေးသည်။